ကဲ---ဘာလုပ်ကြမလဲ?....

24th August,
(၁)
ပြီး ခဲ့တဲ့ စနေနေ့က ရန်ကုန်မှာရှိသော စာရေးဆရာသူငယ်ချင်းဦးဇင်းတပါးကိုဖုန်းဆက်ဖြစ်ခဲ့၏။ ဖုန်းဆက်တဲ့အခါတိုင်း အသစ်ထုတ်မဲ့စာအုပ်အကြောင်းတွေပဲပြောနေကြမို့ မိမိကစပြီး စာအုပ်အကြောင်း နဲ့ Intro ဝင်လိုက်ပါတယ်။
စာရေးသူ။ ။ ကိုယ့်လူဘာစာအုပ်တွေထုတ်ပြီး အလုပ်မရှိ အလုပ်ရှာအုံးမလို့လဲ။
သူငယ်ချင်း။ ။ စာအုပ်လည်းထုတ်ဖို့အစီအစဉ်ရှိပါတယ်။ စာအုပ်ထက်အရေးကြီးတာ တစ်ခုအတွက်လည်း ခေါင်းစားနေတယ်။ အကြံညာဏ်လေးရှိရင်လည်းမစပါအုံး။
စာရေးသူ။ ။ ဟ---တယ်စာတဲ့ဆိုပါလား။ ဘာဝိနိစ္စယတွေပေါ်လာပြန်ပြီလဲ။
သူငယ်ချင်း။ ။ ခုကိစ္စက ဝိနိစ္စယမဟုတ်ဘူး လူ့ကိစ္စ ဗျ။
စာရေးသူ။ ။ အင်း--ငါပြောသားဘဲ ပိုက်ဆံတွေ အရမ်းမချေးနဲ့လို့။ ခုဘယ်လောက်ပါသွားသလဲ။
သူငယ်ချင်း။ ။ စကားဘဲနင်းကန်ပြောနေ ဒီကပြောတာလဲ ခဏလေး သည်းခံ နားထောင်ပါအုံး။ ခုအလုပ်ရူပ်နေတာ ပိုက်ဆံပါလို့မဟုတ်ဘူး နောင်တော်ကြီးရ၊လူတွေပါကုန်လို့ဗျ။ လူတွေဆိုတာထက် ကလေး တွေပါကုန်လို့ပါ။
စာရေးသူ။ ။ လင်းစမ်းပါအုံး မင်းဥစ္စာ ကအမြီးအမောက်မတဲ့လိုက်တာ။ ငါတောင်ခေါင်းရူပ်---ယောင်လို့ ဆံပင်မရှိလို့-- စိတ်ရူပ်လာပြီး။ ကလေးတွေက ဘာ့ကြောင့်ပါရတာလဲ။
သူငယ်ချင်း။ ။ ဒီလိုဗျ ပြီးခဲ့တဲ့မေလ(၂) မြန်မာနိူင်ငံမှာ နာဂစ်မုန်တိုင်းတိုက်ခတ်လိုက်တာ မြန်မာ့ဆန်အိုးကြီး ဖြစ်တဲ့ ဧရာဝတီတိုင်းတတိုင်းလုံး နီးပါး သုသာန်တစပြင်ဖြစ်ခဲ့တာ လူတိုင်းအသိပါ။ အဲဒီလိုမျိုးလဲမြန်မာ့သမိုင်းမှာ မဖြစ်ဘူးတော့လူတွေမှာ အကုန်ဒိတ်လန့်ကုန်ကြတာ ပေါ့။ အစိုးရပိုင်းအနေနဲ့လည်း ဘေးကြပ်နံကြပ်ဖြစ်သွားတယ်။ တဖတ်က မေလ(၁၀)ရက်ဆန္ဒခံယူပွဲအတွက် မဲဆွယ်စည်းရုံးရေးကာလ ဖြစ်နေတာကိုး။ ဒကာတော်ကျေးဇူးရှင် ဆို ရှင်ဘုရင်တခါထွက်ပဲကြီးတစ်လှေချက်ဆိုတဲ့အတိုင်း အလုပ်တွေတအားရူပ်နေလို့ နဲ့ တူတယ်နာဂစ်ဖြစ်ပြီး (၂) ပတ် (၃) ပတ်ကြာမှပေါ်လာတယ်လေ။ လူတွေကယ်ဖို့။ ဘယ်လိုစောင့်ရှောက်ရမလဲ အစီအစဉ်တွေလုပ်နေရလို့နဲ့တူပါတယ်။
စာရေးသူ။ ။ ဟေ့ မြန်မြန်ပြော မင်းဟာလိုရင်းမြန်မြန်သွားတော့ဒီမှာ ဖုန်းကဒ်ကုန်တော့မယ်။
သူငယ်ချင်း။ ။ အင်းပါပြောပါ့မယ်။အရေးထဲကိုယ့်ဆရာက အဝေးကနေပြီးကြောက်နေသေးလားမသိဘူး။ စာရေးဆရာဆိုတော့ စကားချောအောင် တန်ဆာဆင်နေရလို့ပါ။ ကဲ---ခုနာဂစ်ဖြစ်ပြီး အကျိုးဆက်အနေနဲ့ သိန်းနဲ့ချီတဲ့ခလေးတွေ မိဘမဲ့တွေဖြစ်ကုန်ပြီး သူတို့ကိုစောင့်ရှောက်ထိန်းသိမ်းပြီး ပညာ သင်ပေး ကျွေးမွေးဖို့ အလုပ်တွေ ပေါ်လာပြီလေ။
စာရေးသူ။ ။ ဟ-- ဒါတွေ ဟာ နိူင်ငံတော် ကိစ္စ လေ။ နိူင်ငံတော်မှာ Project ရှိမှာပေါ့။ မိဘမဲ့ဂေဟာတွေဖွင့်။ Community Centre တွေဖွင့်ရမှာ တိုင်းပြည်ဘဏ္ဍာစားတဲ့နိူင်ငံတော်တာဝန်ပဲမဟုတ်လား။

သူငယ်ချင်း။ ။ နောင်ကြီးပြောတာလွယ်တယ်။တကယ်တော့ဒီတာဝန်ကို အစိုးရ တစ်ဦးထဲနဲ့မနိူင်ဘူးဗျ။ မနိူင်တဲ့အပြင် အစိုးရပိုင်း အပေါ် ပြည်သူကမယုံကြည်တဲ့အပိုင်းတွေလည်းပါမှာပါ။ အဲဒါတွေပြောနေအချိန်ကုန်ပါလိမ့်မယ်။ ခုလောလောဆယ် မြန်မာပြည်မှာ သံဃာ့အဖွဲ့အစည်းတချို့ နဲ့ အခြား ဘာသာရေးအဖွဲ့အစည်း တွေ ခလေးတွေလုနေရတဲ့ကိန်းဆိုက်နေပြီဗျ။ သံဃာ့အဖွဲ့အစည်းကလည်း နည်းတဲ့အပြင်အတွေ့အကြုံမရှိတာ ရယ် ပိုက်ဆံများများစားစား Fund မရှိတာဆိုတော့ခလေးများများ မလုနိူင်ပါဘူး။ ကဲ။ ။ ဘာဆက်လုပ်ရတော့မလဲ။
မိမိကြားလိုက်ရသောသတင်းကတော့ ဤမျှသာဖြစ်ပေမဲ့ မိမိရဲ့အတွေးထဲမှာ ဒီခလေးတွေရဲ့မမြင်ရတဲ့အနားဂတ်အတွက် ဝိုးတဝါးအိပ်မက်များမက်နေရပါပြီ။ ဘာလုပ်ပေးရမလဲ။ဘာလုပ်ပေးနိူင်မလဲ။
(၂)
ဓမ္မတာအားဖြင့် ရေများရေနိူင်၊မီးများမီးနိူင်ဆိုတဲ့အတိုင်း များရာအားကြီးရာက နိူင်စမြဲ မို့ ကိုယ့်ဘာသာဝင်တွေအခြားဘာသာဝင်ဖြစ်သွားတာ တွေဝေစရာအထွေအထူးမရှိပါ။ ဘယ်ဘာသာရူထောင့်ကကြည့်ကြည့် ဒုက္ခ ရောက်သူကို ကူညီတာမြင့်မြတ်တဲ့လုပ်ငန်းဖြစ်ပါသည်။သို့သော် ဖြစ်သင့်ဖြစ်ထိုက်တာ လုပ်သင့်လုပ်ထိုက်တာတွေကို မျှမျှတတဖြစ်အောင် တာဝန်ရှိတဲ့သူတွေ လုပ်ပေးသင့် တာတော့အမှန်ဖြစ်ပါသည်။
တဖက်မှလည်း ရင်ဝလှံစူးနေသောလူတစ်ယောက်ကို လှံကိုအရင်နူတ်ပေးပြီးမှ လှံလာရာလမ်းကြောင်း၊လှံဘယ်သူပစ်တာလည်း ကြည့်သင့်ပါသည်။ အပြစ်တွေပြောနေမယ့်အစား အရေးကြီးသည်မှာ စိတ်ဓါတ်ကျနေသော (သို့) သောကလှံစူးနေသော ဒုက္ခသည် ခလေး လူကြီးများကို စိတ်ဓါတ်မြှင့်တင်ပေးနိူင်ဖို့ လူတိုင်းမှာ တာဝန်ရှိနေပါပြီ။
ဓမ္မစင်္ကြာ၌ ဇာတိ-ပဋိသန္ဓေနေရခြင်းဒုက္ခ၊ အိုခြင်းဒုက္ခ၊နာခြင်းဒုက္ခ၊သေခြင်းဒုက္ခ၊ချစ်သောသူနှင့်ကွေကွင်းရခြင်းဒုက္ခ၊မချစ်သောသူနှင့်အတူနေရခြင်းဒုက္ခ၊ လိုခြင်တာမရသောဒုက္ခ ဟူ၍ ဆင်းရဲဒုက္ခ (၇) မျိုး ဟောထားတာတွေ့ရပါသည်။ဇာတိ၊ဇရာ၊ဗျာဓိ၊မရဏ ကဲ့သို့သော ဒုက္ခ လေးမျိုးမှာ မိမိတို့ ရုပ်တရား နာမ်တရားများရှိနေသမျှကာလပတ်လုံး အမြဲဖောက်ပြန်ပျက်စီးနေမည်ဖြစ်၍ အစားထိုးကုစားရန်မလွယ်ပါ။ ချစ်သောသူနှင့်ကွေကွင်းရခြင်း၊မချစ်သောသူနှင့်အတူနေရခြင်း၊ လိုချင်တာမရခြင်းဆင်းရဲဒုက္ခများကို တော့အစားထိုးကုစား၍ ရနိူင်ပါသည်။ သို့သော် သူတို့ချစ်စရာလေးတွေဖြစ်လာအောင်၊ မချစ်တာတွေနဲ့အတူမနေဖြစ်အောင်၊လိုချင်တာလေးတွေ ရအောင်ဖန်တီးပေးတက်ဖို့လိုပါမည်။
(၃)
ဖြစ်သင့်ဖြစ်ထိုက်တာတွေဖြစ်လာဖို့ လုပ်သင့်လုပ်သင့်တာတွေကို နိူင်ငံတော်အနေနဲ့ ပြည်သူတွေယုံကြည်လာအောင် ပရဟိတလုပ်ငန်းများကို လုပ်ပြစေချင်ပါတယ်။ ခုဟာက (-----)ခတ်တဲ့ရေ
(---)ဆေးတာနဲ့ အကုန်ပြောင်ဆိုသလိုပဲ။ အစိုးရမှာ ရလာတဲ့ ပြည်တွင်း၊ပြည်ပ အကူအညီ တွေကို စနစ်တကျ ဖြန့်ဖြူးပါတယ်ဆိုတဲ့ information ကို မှန်မှန်ကန်ကန်ခုထိမပေးနိူင်သေးဘူး။ ဒါ့အပြင် လုပ်ငန်းမကျွှမ်းကျင်တော့အလေအလွင့်တွေ တအားများပြီး ပိုးသာကုန်မောင်းပုံ ဆောင်းမတက်ဖြစ်နေတယ်။ ဒီအချိန်မှာ မိမိစဉ်းစားမိသည့်အပိုင်းကတော့ နိူင်ငံတော်၏ အခန်းကဏ္ဍပဲဖြစ်ပါသည်။ အစိုးရအနေနဲ့ မည်သည့်ဘာသာမှမခွဲခြားပဲ နာဂစ်ဒါဏ်ခံရသော၊မိဘမဲ့အဖြစ်များသောနေရာများမှာ ပရဟိတကျောင်းများကို လွတ်လွတ်လပ်လပ် ဖွင့်လှစ်ပေးနိူင်ရင်မကောင်းဘူးလား။ ထိုပရဟိတ ကျောင်းဝန်းကျယ်ကြီးအတွင်း၌ ကလေးများအား နေစရာ စားစရာဖန်တီးပေးနိူင်ရန်အထူးအရေးကြီးပါသည်။ ထိုပြင် ကလေးများအား စိတ်ဓါတ်ရေးရာဖွံဖြိုးတိုးတက်စေရန် ဝါသနာပါရာ လှုပ်ရှားပါဝင်မူအတွက် ကလေးကစားကွင်းများ၊ အကသင်တန်းခန်းမများ။အိမ်တွင်းစက်မူ လက်မူ သင်တန်းဆောင်များ ကိုဖန်တီးပေးထားဖို့လိုမည်ဖြစ်ပါသည်။ ဤအတွက်တော့ကျွမ်းကျင်သောအသိပညာရှင် အတက်ပညာရှင်များကို ဘာသာလူမျိုး မခွဲခြားပဲ ခန့်အပ်ပေးဖို့လိုပါလိမ့်မည်။ ဤကဲသို့စနစ်တကျ အစိုးရ က လုပ်မပေးနိူင်သ၍ လုပ်နိူင်မယ့်သူတွေကိုတရားဝင်ခွင့်မပြုသ၍ ပြန်လည်ထူထောင်မူလုပ်ငန်းတွေ ကြန့်ကြာနေဦးမည်ဖြစ်၍ မလိုအပ်ဘဲ အပြစ်မဲ့ပြည်သူတွေ လူညွန့်တုံးနေပါလိမ့်မည်။
(၄)
ယခုမြန်မာနိူင်ငံ၌ ဖြစ်ပေါ်နေသောအခြေအနေများသည် ကျားသနားမှ နွားချမ်းသာဆိုသော ဥပမာပုံပြင်ကဲ့သို့ဖြစ်နေပါသည်။ တိုင်းပြည်၏ အခြေခံလုပ်ပိုင်ခွင့်ကစ၍ လုပ်ပိုင်ခွင့်အားလုံးသည် အစိုးရခွင့်ပြုမှ လုပ်ရသော အလုပ်များသာဖြစ်သောကြောင့် အလုပ်ကြီးအကိုင်ကြီး လုပ်လိုသူများသည် အစိုးရကို နည်းမျိုးစုံဖြင့်ချည်းကပ်ရမည်မှာ ဓမ္မတာ ဖြစ်ပါသည်။ ပုဒ်မ (၄) ပေးမှလုပ်ဆိုတဲ့ မြန်မာ နိူင်ငံ၌ သုံးနေကျစကားအတိုင်း ကောင်းတာ လုပ်လုပ်၊ဆိုတာပဲ လုပ်လုပ် အစိုးရနဲ့ အစဉ်ပြေ ပြီးမှ လုပ်ပါမှ ထိုပုဂ္ဂိုလ်အထကောင်းပြီးအထောင်းသက်သာမည်ဖြစ်ပါမည်။ မြန်မာနိူင်ငံ၌ လုပ်းငန်းတစ်ခု ကိုထိရောက်အောင်လုပ်ချင်ရင် လုပ်ငန်းလမ်းကြောင်း တွင်ရှိသော သတ်ဆိုင်ရာ များကို ပေးနိူင်မှ အောင်မြင်နိူင်ပေမည်။
မြန်မာနိူင်ငံ၌ နာဂစ် မုန်တိုင်း ဖြစ်သောအချိန်သည် မိမိသီဟို ၌ နေသောအချိန်ဖြစ်ပါသည်။ မိမိတို့သံဃာများ တက်နိူင်သလောက် ပစ္စည်းဝတ္ထု ငွေကြေး များစုဆောင်းပြီးလူုနေသောအချိန်လည်းဖြစ်ပါသည်။ တစ်နေ့မိမိနှင့်ရင်းနှီးသော သီဟိုဒကာတစ်ဦး မိမိထံလာ၍ သတိပေးစကား ဆိုလာပါသည်။သီဟို၌ ၂၀၀၅ခုနှစ် ဆူနာမီ ဖြစ်တုန်းက လူပေါင်း (၆၀၀၀၀) ကျော်သေဆုံးခဲ့ပါတယ်။ရွာပေါင်းများစွာ လည်းပျောက်ဆုံးခဲ့ပါတယ်။ဘန္တေတို့နိူင်ငံ လောက်တော့မများဘူးပေါ့။ဒီမှာ အစိုးရကကော သက်ဆိုင်ရာ International Aid အဖွဲ့အစည်းတွေ ကကော ကယ်ဆယ်ရေးတွေ ကိုလုပ်တာ မြန်တော့ မလိုအပ်တဲ့အသေအပျောက်တော့မရှိဘူးပေါ့။ နိူင်ငံတကာနှင့်အစဉ်ပြေတာရယ် အကူအညီပေးတဲ့အဖွဲ့အစည်းတွေကို လွတ်လွတ်လပ်လပ် လုပ်ခွင့်ပေးတာလည်းပါမှာပေါ့။ ဂျပန်တို့ အမေရိကန်စတဲ့ ဓနအင်အားကြီး နိူင်ငံတွေက ဝိုင်းလူုလိုက်ကြတာ (၃)နှစ်အတွင်း ဆူနာမီဒေသတွေ ပြန်လည်ထူထောင်ရေးတွေ ပြီးမြောက်သွားတယ်။ဆူနာမီ ဒုက္ခသည်တွေလူုရှင်တွေရဲ့ကျေးဇူးကြောင့်နဂိုထက်တောင်အစဉ်ပြေပြီး ခောတ်ပျက်သူဋ္ဌေးတောင်ဖြစ်ကုန်ကြတယ်။ဝမ်းသာစရာပေါ့။ အဓိကကတော့ သီဟို သံဃာတွေရဲ့ပရဟိတစိတ်ဓါတ်တွေကိုလည်းချီးကျူးရမှာပဲ။ လက်တွေ့ဖြစ်တဲ့နေရာတွေမှာ လက်တွေ့အစိုးရနဲ့ပူပေါင်းပြီးကူညီကြတာ တော်တော်များပါပဲ။ ဘန္တေတို့လည်း သီဟိုရဟန်းတွေလို ပြန်ပြီးVolunteer လုပ်ကြပေါ့။ ဒီအချိန်ဗောဓိပင်အောင်မှာ ဆုတောင်းနေရုံနဲ့မပြီးဘူးဘန္တေ။ ဒကာတော်ပြောလိုက်သောစကားများမှာ မိမိ၏နှလုံးသားထဲကိုစူးဝင်သွားသလိုခံစားလိုက်ရပါတယ်။ သို့သော်ဘာလုပ်သင့်သလဲ၊ဘာလုပ်ရမလဲဆိုတဲ့အဖြေကိုတော့ မိမိရဲ့အတွေးထဲမှာ ပြည့်နှက်နေပါတယ်။ ကဲ--သူငယ်ချင်းရေ မင်းဘာလုပ်ရမလဲဆိုတဲ့အဖြေကိုလဲ ကိုယ်ပေးဖို့ မင်းဆီကို ကိုယ်ပေးမယ့်အဖြေကိုစောင့်မျှော်၍ သာနေရင်း----