Tuesday, April 14, 2009

ဒေါက်တာ အမ်ဘေဒ်ကာ မွေးနေ့(Ambedkar Jayanti)

14th April, 2009

ဒီနေ့ဟာ အိန္ဒိယနိူင်ငံရဲ့လွတ်လပ်ရေးဗိသုကာတွေထဲမှာတစ်ယောက်အပါအဝင်ဖြစ်တဲ့ ဒေါက်တာအမ်ဘေကာရဲ့(၁၁၉) ကြိမ်မြောက်မွေးနေ့ဖြစ်ပါတယ်။ ဒေါက်တာအမ်ဘေကာနဲ့ပတ်သက်ပြီးဂုဏ်ပြုတဲ့အနေနဲ့သူ့အကြောင်းတစေ့တစောင်းကိုတင်ပြလိုက်ပါတယ်။

ဒေါက်တာဘီမ်ရော အမ်ဘေကာ(B.R Ambedkar) ကို 1891 `ဧပြီလ ၁၄- ရက်နေ့မှာ အိန္ဒိယ ရဲ့ မဒရ ပရာဒေ့ မှာ ဖခင်ဖြစ်သူစစ်မူထမ်းတဲ့စစ်တပ်ဋ္ဌာနချုပ်တစ်ခုမှာမွေးဖွားခဲ့ပါတယ်။သူကိုအိန္ဒိယနိူင်ငံရဲ့ ဖွဲ့စည်းပုံအခြေခံဥပဒေကိုဦးဆောင်ရေးဆွဲခဲ့လို့ ဖွဲ့စည်းပုံ ဗိသုကာ (သို့) ဖခင်ကြီးလို့ လူသိများကျော်ကြားခဲ့ပါတယ်။ သူရဲ့ဘဝတခုလုံးကိုခံစားခွင့်တွေဆုံးရူံးနေတဲ့လူ့အဖွဲ့အစည်းတွေကိုမြှင့်တင်ပေးဖိုမြုံ့နှံခဲ့သူလည်းဖြစ်ပါတယ်။ ဒါ့ကြောင့်သူ့ကို တကမ္ဘာလုံးကလူတွေက ကြီးကျယ်မြင့်မြတ်သော လူမူဘဝပြုပြင်ပြောင်းလဲရေးသမား အဖြစ်လေးစားခဲ့ကြပါတယ်။ထို့ပြင် သူဟာ အိန္ဒိယ လွတ်လပ်ရေးကြိုးပမ်းမူမှာ အဓိကအခန်းကဏ္ဍ ကပါဝင်ခဲ့သူလည်းဖြစ်ပါတယ်။

ဒေါက်တာအမ်ဘေကာဟာ အိန္ဒိယနိူင်ငံတွင် ကောလိပ်ပညာရေးကို တက်ရောက်ခဲ့တဲ့ပထမဆုံး ဇာတ်နိမ့်လူတန်းစားထဲက တစ်ယောက်သောပုဂ္ဂိုလ်ဖြစ်တဲ့အပြင် ဥပဒေဒေါက်တာဘွဲ့၊ စီးပွားရေးဘွဲ့၊ နိူင်ငံရေးသိပ္ပံဘွဲ့ တွေကို အမေရိကား နဲ့အင်္ဂလန်တို့မှ ရယူခဲ့သူလည်းဖြစ်ပါတယ်။ နာမည်ကျော်ကြားတဲ့ ပညာရှင်တစ်ယောက်အဖြစ် မိခင်နိူင်ငံအိန္ဒိယကို ပြန်လာပြီး နှစ်အနည်းငယ်အတွင်းမှာပဲ အိန္ဒိယ ဇာတ်နိမ့်တွေ အတွက် အခြေခံလူ့အခွင့်အရေး၊ နိူင်ငံသားအခွင့်အရေးတွေကို ရှေ့နေလိုက် ပေးခြင်းဖြင့် ဥပဒေနဲ့အညီလက်တွေ့ ပြုလုပ်ပေးခဲ့သူဖြစ်ပါတယ်။

ဒေါက်တာအမ်ဘေကာဟာ အိန္ဒိယ ရဲ့ အယူသီးလှတဲ့ လူတန်းစားခွဲခြားမူကိုဆန့်ကျင်တိုက်ခိုက်ခြင်းဖြင့်သူ့ဘဝကို အကျိုးရှိရှိကုန်ဆုံးခဲ့သူဖြစ်ပါတယ်။ သူကိုယ်တိုင် ဗုဒ္ဓဘာသာကိုသက်ဝင်ယုံကြည် ပြီး ဇာတ်နိမ့် (၅) သိန်းကျော်ဗုဒ္ဓဘာသာ ကူးပြောင်းခဲ့ ရာမှာလည်း သူ့ ရဲ့ကျေးဇူးကြောင့် ပဲဖြစ်ပါတယ်။ ဥပဒေရေးရာတွေမှာနှံ့စပ်ကျွမ်းကျင်သူဖြစ်လို့ ဥပဒေကြမ်း ရေးဆွဲရေး ကော်မတီက ဒေါက်တာအမ်ဘေကာကို အိန္ဒိယလွတ်လပ်ရေးအတွက် ဥပဒေမူကြမ်း ရေးဆွဲရေးဥက္ကဋ္ဌ အဖြစ်တင်မြှောက်ခဲ့ကြပြီး အိန္ဒိယရဲ့ ပထမဆုံး ဥပဒေရေးရာတရားရေးဝန်ကြီးအဖြစ်ခန့်အပ်ခဲ့ကြပါတယ်။ သူရဲ့နောက်ဆုံး ဗုဒ္ဓကျမ်းစာ ဖြစ်သော The Buddha and His Dhamma ကို ရေးသားပြီး(၃) ရက်မြောက် ၁၉၅၆၊ဒီဇင်ဘာလ (၆) ရက်နေ့ သူ့နေအိမ်တွင်ဆီးချိုရောဂါဖြင့်သေဆုံးခဲ့ပါတယ်။ သူရဲ့ဂုဏ်ကျေးဇူးများကို အသိအမှတ်ပြုတဲ့အနေနဲ့ အိန္ဒိယအစိုးရက ၁၉၉၀ ခုနှစ်မှာ အိန္ဒိယရဲ့ အမြင့်ဆုံး နိူင်ငံ့ဂုဏ်ထူးဆောင်ဘွဲ့ အပ်နှင်းခဲ့ပြန်ပါတယ်။ ဤကဲ့သို့တိုင်းကျိုးပြည်ပြု ပုဂ္ဂိုလ်ကြီးကိုဂုဏ်ပြုသောအားဖြင့် ဧပြီလ (၁၄) ရက်နေ့ကို့  အမျိုးသားရုံးပိတ်ရက် သက်မှတ်ပြီး အမ်ဘေကာမွေ့နေ့ပွဲများ အိန္ဒိယတနိူင်ငံလုံးကျင်းပကြပါတယ်။ ဒီနေ့ရောက်တဲ့အခါမှာ ဒေါက်တာအမ်ဘေကာရဲ့ ကြီးကျယ်မြင့်မြတ်တဲ့ဝိညာဉ်ကိုအောက်မေ့မူအဖြစ် များစွာသောဇာတ်နိမ့်တွေဟာ ကြီးကျယ်တဲ့လုပ်ငန်းတွေကိုထမ်းဆောင်ကြပါတယ်။ ဤနေ့မှာ များစွာသော အဖွဲ့အစည်းတွေ ဟာ ဒေါက်တာအမ်ဘေကာချမှတ်ခဲ့သည့်အတိုင်း လူအချင်းချင်းရိုင်းပင်းမူအစီအစဉ်၊ ယဉ်ကျေးမူ အစီအစဉ်များကို ပြုလုပ်ကြဖို့စည်းရုံးလှုပ်ဆော်ခဲ့ကြပါတယ်။ဇာတ်နိမ့်များဦးစီးကျင်းပတဲ့ပွဲတော် များကို လည်း အိန္ဒိယရဲ့နေရာအနှံ့အပြားမှာကျင်းပကြပါတယ်။ အမ်ဘေကာပွဲတော်ကို အစိုးရ အဖွဲ့အစည်း နဲ့ ပုဂ္ဂလိကအဖွဲ့အစည်းနှစ်ရပ်လုံးက ကျင်းပတဲ့ပွဲတော် ဖြစ်လို့ အိန္ဒိ ယ ပြည်နယ်၊မြို့ တွေမှာ ဆုတောင်းပွဲများ၊အစည်းအဝေးပွဲများ ၊အောက်မေ့ဘွယ် ဟောပြောပွဲများနဲ့ စည်းကားလို့နေပါတယ်။ ဇာတ်နိမ့်တွေထဲက ထိုးထွက်လာတဲ့ အိန္ဒိယရဲ့ ဂုဏ်ထူးဆောင်ကြီးဒေါက်တာအမ်ဘေကာကို အလွန်တရာ အယူသီးလှတဲ့ ဇာတ်မြင့်လို့အမည်ခံထားတဲ့ အိန္ဒိယလူ့အဖွဲ့အစည်းက သူ့ကျေးဇူးတွေကိုအောက်မေ့ပြီးကျင်းပပေးကြတယ်ဆိုရင် ကျွန်ုပ်တို့မြန်မာနိူင်ငံရဲ့ လွတ်လပ်ရေးဗိသုကာ ကြီးဗိုလ်ချုပ်အောင်ဆန်းရဲ့ မွေးနေ့ကို နိူင်ငံတော်က မေ့ပျောက်သွားအောင်လုပ်နေတာကို တော့ ယူကျုံးမရဖြစ်ရပါတယ်။ ဒေါက်တာအမ်ဘေကာ နေ့ကိုအိန္ဒိယမှာ စည်းကားသိုက်မြိုက်စွာ ကျင်းပသလို ကျွန်ုပ်တို့မြန်မာနိူင်ငံလည်းတနေ့နေ့တချိန်ချိန်မှာဗိုလ်ချုပ်အောင်ဆန်းအမှတ်တရမွေးနေ့ပွဲများ၊
ဟောပြောပွဲများလွတ်လပ်စွာဘယ်တော့များ စည်းကားစွာ ကျင်းပခွင့်ရတော့မှာလဲခင်ဗျာ။ ။-------

Read More...