မိုးမခအထောက်တော် အမှတ် ၄
ဖေဖော်ဝါရီ ၂၈၊ ၂၀၀၉
ပြီးခဲ့သည့် တနင်္ဂနွေနေ့က ဒဂုံတက္ကသိုလ် တတိယနှစ် ဘူမိဗေဒ ကျောင်းသား ၄ ဦး နှင့် နည်းပြဆရာ တဦး တို့ကို အရက်သမားတချို့က ရိုက်နှက်ခဲ့သည်။
စော်ဘွားကြီးကုန်းရှိ ဒို့ရိုးရာ လက်ဖက်ရည်ဆိုင်မှ အထွက်တွင် အနားရှိ အရက်ဆိုင်အတွင်းမှ လူ ၇ ဦးက ရန်စပြီး ကိုဝေဖြိုးကျော် (တတိယနှစ် ဘူမိဗေဒ) အား စတင် ထိုးကြိတ်ခဲ့သည်။ ၀င်ရောက် တားဆီးသော နည်းပြဆရာ ဦးအောင်မင်းဦးလည်း နောက်မှ ရိုက်နှက်ခံခဲ့ရသည်။
ထို့နောက် အခြားကျောင်းသားများ ဖြစ်သော ကိုပြည့်နိုင်ဖြိုး၊ ကိုအောင်ဖုန်း၊ ကိုနေလင်းထက် တို့လည်း ရိုက်နှက်ခံရသည်။
ကိုဝေဖြိုးကျော်က ထွက်ပြေးလွတ်မြောက်သွားပြီး စော်ဘွားကြီးကုန်း ပွဲရုံတန်း ရယကရုံးသို့ သွားရောက် တိုင်ကြားပြီး အကူအညီ တောင်းခဲ့သည်။ ရယက ရုံးရှိ ဆယ်အိမ်ခေါင်း ကိုနီတွတ်က ကိုဝေဖြိုးကျော်အား ၄ ချက်ခန့် ပါးရိုက်ပြီး “ဘာ ကျောင်းသားလဲ” ဟု အော်ဟစ်လိုက်သည်ဟု ဆိုသည်။ ရယက ရုံးတွင် ရောက်နေသော ရဲတပ်ဖွဲ့ဝင်တဦးက ကိုဝေဖြိုးကျော်ကို လက်ထိပ်ခတ်လိုက်ပြီး ထပ်မံရိုက်နှက်ကြသည်ဟု ဆိုသည်။
ကျောင်းသား ၄ ဦး အပြင်းအထန် ဒဏ်ရာရသွားပြီး ကိုအောင်ဖုန်း၊ ကိုနေလင်းထက် တို့ကို အင်းစိန်မြို့ပြည်သူ့ဆေးရုံတွင် အတွင်းလူနာအဖြစ် ကုသပေးထားသည်ဟု သိရသည်။
နည်းပြဆရာသည်လည်း ချွန်ထက်သည့် သတ္ထုချောင်းတခုဖြင့် ထိုးနှက်ခံရသည်ဟု ဆိုသည်။
၃ ရက်အကြာ ဗုဒ္ဓဟူးနေ့တွင် ဒဂုံတက္ကသိုလ် ဒုတိယ ပါမောက္ခချုပ် ဦးမျိုးသိန်းကြီး၊ စီမံဌာနမှူး ဦးခင်မောင်သန်း၊ မော်ကွန်းထိန်း ဦးဘဖေတို့က ရိုက်နှက်ခံခဲ့ရသူများကို ခေါ်ယူ စစ်ဆေးခဲ့သည်။ ထို့နောက် နောင်တွင် ခိုက်ရန်ဖြစ်ပွားခြင်းမပြုရန် အတင်းအကျပ် ၀န်ခံကတိ လက်မှတ်ရေးထိုးခိုင်းသည်ဟု ဆိုသည်။
ရိုက်နှက်ခံရသူများကို ကြာသပတေးနေ့တွင်လည်း ထပ်မံ ခေါ်ယူပြီး စစ်ဆေးခဲ့သည်။
ရိုက်နှက်မှု ကျူးလွန်သူများမှာ အရေးယူခံရခြင်းမရှိသေးကြောင်း သိရသည်။
ထိုဖြစ်ရပ်ကြောင်း ဒဂုံတက္ကသိုလ် ကျောင်းသူကျောင်းသားများအကြားတွင် မကြေနပ်မှုများ ဖြစ်ပွားနေသည်။ ကျောင်းသားများအား ကာကွယ်ပေးခြင်းမရှိသော ကျောင်းအာဏာပိုင်များကို ဒေါသထွက်နေကြသည်။
အဆိုပါအမှုကို အင်းစိန်မြို့နယ် ရဲစခန်းတွင် တိုင်ချက်ဖွင့်ထားသည်။ အမှုလိုက် အရာရှိမှာ ဒုရဲအုပ် တင်ညွန့်ဖြစ်သည်။ သို့သော် ယမန်နေ့က စုံစမ်းသိရှိရသည်မှာ အမှုကို ပိတ်သိမ်းလိုက်ပြီဟု ဆိုသည်။
၁၉၈၈ ခုနှစ် အုံကြွမှု အစောပိုင်းကာလ ကျောင်းသား ကိုဖုန်းမော် သေဆုံးမှုနောက်ဆက်တွဲ ကျောင်းသားဆန္ဒပြမှုကဲ့သို့သော လှုပ်ရှားမှုများ ဖြစ်ပွားလာမည်ကို စိုးရိမ်သဖြင့် အမှုပိတ်ခြင်း၊ သတင်းပိတ်ခြင်းများပြုလုပ်ရခြင်းဖြစ်ကြောင်း ပါမောက္ခချုပ်ရုံးနှင့် နီးစပ်သည့် သတင်းရပ်ကွက်က ဆိုသည်။
Saturday, February 28, 2009
ဒဂုံတက္ကသိုလ်ကျောင်းသားများ စော်ဘွားကြီးကုန်းတွင် ရိုက်နှက်ခံရ
Thursday, February 26, 2009
ဆရာကြီးဦးတင်မိုး အမှတ်တရ
26th Feb, 2009
ဆရာကြီးဦးတင်မိုး အမှတ်တရ
ဆရာကြီးဦးတင်မိုး အမှတ်တရ အဖြစ်အောက်ပါကဗျာများကို ခောတ်ပြိုင်ဂျာနယ်မှကူးယူဖေါ်ပြလိုက်ပါသည်။
ဘ၀ထဲက ရတနာ၊ ရင်ထဲက ကဗျာ (၁)
“ဧည့်သည်ကြီး”
ဆေးလိပ်လည်းတို
နေလည်းညိုပြီ
ငါ့ကို ပြန်ပို့ကြပါလေ။
ဒီကဗျာလေးကိုတော့ မှတ်မိကြတဲ့သူ တော်တော်လေးများတယ်။ စိတ်လဲဝင်စားကြတယ်။ ကဗျာရဲ့ အဓိပ္ပာယ် ဘာလဲလို့ မေးခွန်းတွေ ခဏခဏမေးကြတယ်။ ကျနော်ကလဲ မဖြေတတ်ဘူး။ ဒီကဗျာ ရေးမိပုံကလေးကို ပြောပါရစေအုံး။
၁၉၅၉ ခုနှစ်ဆန်းပိုင်းက ကဗျာဆရာဝင်းကြွယ်ရယ်၊ ဆရာမောင်စွမ်းရည်ရယ်၊ မုံရွာချောင်းဦးသား မောင်စောလွင် (အခုရှေ့နေကြီး) ရယ်၊ ရေစကြိုသား ကိုတင်အောင် (မန္တလေးမျိုးညွန့်ကြက်ခြံ) ရယ်၊ ကျနော်ရယ် မန္တလေးမီးရထားဘူတာဝင်းအရှေ့ဘက် ဟော်ကုန်းရပ်ကွက်ထဲမှာ အိမ်ခန်းငှားပြီး နေကြ တယ်။ အဲဒီတုန်းက ကျနော်တို့တတွေဟာ မန္တလေးတက္ကသိုလ်မှာစာသင်နေကြတဲ့ ကျောင်းသားတွေပေါ့။
ကျနော်တို့နေတဲ့အိပ်ခန်းက နှစ်ထပ်အိမ်အပေါ်ထပ်မှာ၊ အောက်ထပ်မှာက မန္တလေးဆေးတက္ကသိုလ်က ဆေးကျောင်းသားတွေနေကြတယ်။ မြင်းခြံသားထွန်းကြည်တို့၊ ညွန့်ဦးတို့တတွေ အခုတော့ မန္တလေးက ဆရာဝန်ကြီးတွေဖြစ်နေကြပြီ ထင်ပါရဲ့။
ကျောင်းတက်တယ်ဆိုပေမယ့် မှန်မှန်မတက်ဖြစ်ပါဘူး။ ကျောင်းဘက်သွားပြီး သူငယ်ချင်းတွေနဲ့ လက်ဖက်ရည်ဆိုင်ထိုင်၊ စကားတွေပြော၊ ဒါလောက်ပါပဲ။ အဲဒီတုန်းက ကဗျာဆရာဝင်းကြွယ် (အခုသင်္ဘောကပ္ပတိန် ခင်မောင်ဝင်း) က မန္တလေးတက္ကသိုလ် နှစ်ပတ်လည်မဂ္ဂဇင်း အတွင်းရေမှူး၊ ကျနော်ကလဲ ဖန်မီးအိမ်ကဗျာစာအုပ်ထုတ်ဖို့ ပြင်ဆင်နေတုန်းမို့ ၀င်းကြွယ်က ပုံနှိပ်တိုက်၊ ဘလောက်တိုက်နဲ့ဆိုင်တဲ့ အကူအညီပေးတယ်။
သူငယ်ချင်းမောင်သိန်းနိုင် (ဂုဏ်ထူးဦးသိန်းနိုင်) က ရွှေမန်းတက္ကသိုလ်ဝင်း ကျောင်းဘော်ဒါဆောင်မှာ နေတယ်။ စိန်မြင့် (မောင်မိုးသူ) က နှစ်လည်မဂ္ဂဇင်းအယ်ဒီတာ၊ သူက မန္တလေးဥယျာဉ်တန်းမှာနေတယ်။ ကြည်အောင်က အင်းဝနဲ့ မန္တလေး ယိုးဒယားဈေးနားက သူ့အမကြီးအိမ်မှာ တလှည့်စီနေတယ်။ ကျနော်တို့ ဟော်ကုန်းလမ်း (ဆေးရုံကြီးတောင်ဘက်) မှာ ကဗျာဆရာမျိုးမြင့်ဆွေ (ပန်းချီဆရာ ကိုမြသောင်း) နေတယ်။
ကျနော်တို့ရဲ့ ဟော်ကုန်းရပ်ကွက်ကအိမ်မှာ သူငယ်ချင်းတွေ မကြာခဏ အလည်လာကြတယ်။
သူငယ်ချင်းအပေါင်းအသင်းတွေ ၀င်လိုက်၊ ထွက်လိုက်နဲ့ သိပ်ပျော်စရာကောင်းတာပဲ။
တနေ့တော့ အင်းဝက ကဗျာဆရာ ကြည်အောင် မနက်ကထဲကရောက်လာတယ်။ အိမ်မှာလဲ ဘယ်သူမှ မရှိ။ ကျောင်းဘက်ထွက်သွားကြတယ် ထင်ပါရဲ့။ ကျနော်တယောက်ထဲ ကျန်ရစ်နေခဲ့တယ်။
ကျနော်နဲ့ ကြည်အောင် နှစ်ယောက်သား စကားတပြောပြောနဲ့ ကြည်နူးလို့မဆုံး။
စာအကြောင်း၊ ကဗျာအကြောင်း၊ ရုပ်ရှင်အကြောင်း၊ အကြောင်းတွေစုံလို့။
ဆေးလိပ်ပြာခွက်ထဲမှာ နဂါးစပယ်ရှယ်ဆေးပေါ့လိပ်တိုတွေလည်း တပုံကြီးဖြစ်နေပြီ။ သူတပိုဒ်၊ ကိုယ်တပိုဒ် တလှည့်စီကဗျာစပ်ထားတဲ့ ဗလာစာအုပ်ကလေးလဲ ကျနော်တို့နှစ်ယောက်ကို ငေးကြည့်နေသလိုလို။
ညနေစောင်း ကျောင်းဆင်းချိန်ရောက်လာပြီ။ ကျနော်တို့နှစ်ယောက်ရဲ့ ရယ်သံ၊ မောသံ၊ သက်ပြင်းချသံတွေလဲ တဖြေးဖြေး တိုးသွားပြီ။
ကြည်အောင်က ဆေးလိပ်တွေလဲတိုပြီ၊ နေလဲညိုပြီ၊ ကျနော်ပြန်တော့မယ်တဲ့။
အဲဒီ လျှပ်တပြက်အချိန်လေးမှာပဲ ကျနော်က ဟေ့ ခဏနေဦး … ဆိုပြီး ရှေ့မှာချထားတဲ့ ဗလာစာအုပ် ကလေးထဲမှာ ကဗျာကောက်ခြစ်လိုက်မိတယ်။ “ဧည့်သည်ကြီး” လို့ ခေါင်းစဉ်တပ်လိုက်မိတယ်။
ဆေးလိပ်လည်းတို
နေလည်းညိပြီ
ငါကိုအိမ်ပြန်ပို့ကြပါလေ။ တဲ့
ကြည်အောင်က “ဟော … ဟုတ်တယ်ဗျို့ .. ကျနော်ပြန်တော့မယ်” တဲ့။ သူပျောက်ကွယ်သွားပါတယ်။
ညပိုင်းကျတော့ သူငယ်ချင်းတွေ ပြန်ဆုံကြတယ်။ နေ့လယ်က ကြည်အောင်နဲ့အတူစပ်ခဲ့ကြတဲ့ ကဗျာတွေ ဖတ်ကြတယ်။
“ဧည့်သည်ကြီး” ကဗျာကိုတွေ့တော့ မောင်စွမ်းရည်က …
“ဟာ ကောင်းလိုက်တဲ့ကဗျာ၊ ဖန်မီးအိမ်စာအုပ်ထဲမှာ ထည့်ရမယ်” လို့တောင်းဆိုတယ်။
မောင်စောလွင်ရော ၀င်းကြွယ်ပါ သဘောတူကြတယ်။ ဖန်မီးအိမ် လက်ရေးမူရင်းကို ဒေါင်းနွယ်ဆွေ ပြကြည့်တော့ ဒေါင်းနွယ်ဆွေက ကျနော့်ဆီကို စာရေးတယ်။
“ကိုတင်မိုးရေ .. ခင်ဗျားဟာ … ဧည့်သည်ကြီးကဗျာနဲ့ မှတ်တိုင်စိုက်လိုက်ပြီ” တဲ့။
ကျနော်လဲ “သြော်” လို့ ဆိုလိုက်မိတယ်။
ဖန်မီးအိမ်စာအုပ်ထွက်တော့ ဒီသုံးကြောင်းကဗျာလေးက ဂယက်အရိုက်ဆုံးဖြစ်လာတယ်။
“ရေးမိတာက သုံးကြောင်း၊ မေးခွန်းပေါင်းက သုံးသောင်းလောက်ပါလား” လို့ စာပေဟောပြောပွဲတွေမှာ ပြောမိတယ်။
“လေးနက်တဲ့ဘ၀အမြင်” လို့ မှတ်ချက်ချသူက ချတယ်။ ဆောင်းပါးရေးပြီး အနက်ဖွင့်သူကဖွင့်တယ်။
ဘ၀ရဲ့ ဆေးလိပ်မတို နေမညိုမီ မေတ္တာထားကြရမယ်လုိ့ မေတ္တာစကားဆိုသူက ဆိုတယ်။ “ကိုလိုနီစနစ်နေ၀င်ချိန်” ကို အကျစ်လျစ်ဆုံး မှတ်တမ်းတင်ချက်လို့ အနက်ကောက်သူလဲရှိတယ်။ ထောင်ထဲမှာ နံရံပေါ်က ကဗျာအဖြစ် လွမ်းဆွေးသူလဲမနည်းလှ။ “ဗမာပြည်ကို ဧည့်သည်ကြီး နှိပ်စက်ခဲ့တာ (၂၆) နှစ်ရှိပါပြီ။ သူ့ကို မူလနေရာပြန်ပို့လိုက်ကြပါတော့” လို့ ဒီမိုကရေစီအာဇာနည်
ဦးဝင်းတင်ကမြင်တယ်။
ဘာပဲဖြစ်ဖြစ် ဒီကဗျာကို ကျနော်မပိုင်တော့ပါ။ ကဗျာဖတ်သူသာ ပိုင်ပါတယ်။ ရေးဖွဲ့သူထက် ဖတ်သူ၊ ခံစားသူက ပိုပြီး သိနိုင်၊ မြင်နိုင်၊ ခံစားနိုင်ပါတယ်။ ရေးသူထက် ဖတ်သူ ပိုတော်ပါတယ်။ “ကျနော်ကတော့ ဘာများတတ်နိုင်ပါဦးမည်နည်း” လို့ ဗန်းမော်တင်အောင်ရဲ့လေသံနဲ့ မှတ်ချက်ချရုံမှတပါး …။ ။
တင်မိုး (ခေတ္တ ၀ါရှင်တန်ဒီစီ)
၂၇၊ ၇၊ ၂၀၀၀
ခေတ်ပြိုင်ဂျာနယ် အတွဲ (၈၈)၊ စက်တင်ဘာ ၂၀၀၀
ဘ၀ထဲက ရတနာ၊ ရင်ထဲက ကဗျာ (၂)
ကဗျာကိုဖတ်ရတာ ရသတမျိုးပဲ။ ကဗျာထဲက စကားလုံးကလေးတွေက ဘယ်စကားနဲ့မှ မတူဘူး။ လှနေတာကိုး။ “လ” လို့ ရိုးရိုးခေါ်တာ အသိသားပေါ့။ ဒါပေမယ့် “စန်း” တို့ “သော်တာ” တို့ “ပုဏ္ဏမီ” တို့ … စတဲ့ ကြွယ်ဝတဲ့ စကားလုံးကလေးတွေ ကြားရတော့ စိတ်ထဲမှာ ဆန်းသစ်သွားသလိုလို။
“စန်းယုန်ပွင့်ငယ်
လမ်းကြုံသင့်လျှင် ညာညာမယ်သို့
ချာချာလည် မင့်မောင်ရူးပြီလို့
တိမ်ဦး ဝေယန်စွန်းဆီက
တခွန်းသူ့ကို ပြောလိုက်ပါ
(စန္ဒာရယ်) မောလှပြီလို့” … ဆိုတဲ့ “စာရေးတော်ကြီး ဦးသာဇံ” ရဲ့ ကဗျာကလေးကို ဖတ်လိုက်ရတော့ မျက်ရည်ဝဲချင်သလိုလို၊ ရင်ဖိုချင်သလိုလို ခံစားရတယ်။
စကားလုံးတွေက အနက်တူပေမယ့် လှည့်စားတတ်တယ်။ ခံစားမှုကို နှိုးတတ်တယ်။ အာရုံတွေကို တိမ်းညွတ်စေတတ်တယ်။ ကဗျာထဲမှာ ပဉ္စလက်လို လှည့်လှည့်ဖြားဖြား ဖမ်းစားတတ်တဲ့ စကားလုံး လေးတွေပါတယ်။
ဒီလိုဆိုတော့ ကဗျာတွေကို မဖတ်ဘဲကို မနေနိုင်ဘူး။ စွဲလမ်းနေတော့တာပဲ။
“နွေမှာသစ်ရွက်တွေကြွေတယ်” ဆိုတဲ့ ရိုးရိုးစင်းစင်း အနက်ရိုးကို
“လေခ၊ မြေသက်၊ ဈာန်ဝိတက်သို့
သစ်ရွက်ရော်ရီ၊ ဣန္ဒနီဝယ်
သိင်္ဂီတ၀က်၊ ဖက်၍ဆေးစုံ
ခြယ်သောပုံသို့၊ ရဂုံမြိုင်တွင်း
တောလုံး လင်းသား” … လို့ ရှင်ဥတ္တမကျော်က ဖွဲ့ပြ၊ နွဲ့ပြလိုက်တော့ နှစ်သက်လို့ မဆုံးနိုင်ဘူး။ ငြိတွယ်သွားတယ်။ သံယောဇဉ်ဖွဲ့မိသွားတယ်။ ပန်းချီကားတချပ်လို မြင်ယောင်သွားတယ်။ စိတ်ကိုရွက်ကြွေတွေနဲ့အတူ ခေါ်ဆောင်သွားနိုင်တယ်။ ဒီတော့ ဒီလှပတဲ့ ကဗျာပိုဒ်ကလေးဟာ ရင်ထဲက မထွက်တော့ဘူးပေါ့။
ကျနော်ငယ်ငယ်တုန်းက ဆရာမင်းသုဝဏ်ရဲ့ “သပြေညို” ကဗျာစာအုပ်ကလေးကို ဖတ်ရတယ်။ ခေါင်းအုံးအောက်ထားပြီး အမြတ်တနိုးဖတ်ရတဲ့ ကဗျာစာအုပ်ကလေးပေါ့။ အားတိုင်း ခဏခဏ ဖတ်ဖြစ်တယ်။ ဖတ်တိုင်း ကြည်နူးတဲ့အရသာကို ခံစားရတယ်။ ခံစားရတိုင်း ပြန်ပြန်ဖတ်တယ်။ ဒီတော့ ကဗျာလေးတွေက နှုတ်ဖျားမှာ ပျံဝဲနေတာပေါ့။
“ဆန်းစခါနွေ
သာတပေါင်းမို့၊ ညှာညောင်းကြွေ
ပြေပြေရောရု
မြအသွေး ရွှေရေးလုတော့
ရတုအညီ
မြေသို့သက်တဲ့ ရော်ရွက်ရီကို
ပလီပလာ၊ တီတာတာ
သည်ခါဓလေ့
နွေအကူး လေရူး ဝှေ့တော့
ကွေ့ကွေ့ဝန်းဝိုက်
ရွှေကြောင်ဖား မြီးဖျားလိုက်သို့
မြိုင်တိုက်စုံယံ ရွက်ဟောင်းပျံသော် …”
ဒီကဗျာပိုဒ်ကလေးကလဲ နှလုံးသားထဲမှာစွဲပြီး နှုတ်ဖျားမှာ ၀ဲနေတော့တာပဲ။
ကိုယ်နဲ့မရင်းနှီးတဲ့၊ သူစိမ်းပြင်ပြင်ဖြစ်နေတဲ့ စကားလုံးတွေ မပါဘူးလား။ ပါတာပေါ့။ တချို့တလေ ပါတာပေါ့။ “ရောရု” တို့ “ရတု” တို့၊ “မြိုင်တိုက်စုံယံ” တို့။
ဒါပေမဲ့ လူရင်း မိတ်ရင်းတွေနဲ့ တသားတည်းရောနေတော့ တချို့စကားလုံးတွေကို သူစိမ်းပြင်ပြင်လို့ မထင်မိတော့ဘူး။ အသာတကြည်ပဲ လက်ခံလိုက်ပြီးသားဖြစ်သွားတယ်။ ကဗျာသုံးစကားလုံးတွေအဖြစ်နဲ့ တိုးလို့တောင်ချစ်မိသွားတယ်။ အသံအနေအထား၊ အသံအစီအစဉ်ကလဲ ချောမောပြေပြစ်၊ “ရွှေကြောင်ဖား မြီးဖျားလိုက်သို့” ဆိုတဲ့ ရော်ရွက်ကြွေဟန်ကိုနှိုင်းတဲ့ အနှိုင်းစကားကလဲ အာရုံထဲမှာ စွဲထင်နေလေတော့ ဒီကဗျာပိုဒ်ကလေးကို မချစ်ဘဲ မနေနိုင်အောင် ဖြစ်မိတော့တယ်။
အို … ကဗျာဆိုတာ နှလုံးသားရဲ့သံယောဇဉ်ဖွဲ့ရာ ရတနာတမျိုးပါလား။
“တီတာတာ အမူပျို့ရန်ကော
ရီပြာပြာ သူတချို့ငယ်က
မြူသလို ပုံဟန်ချီ”
… ဆိုတဲ့ “တက္ကသိုလ်မောင်သန့်စင်” ရဲ့ “ကဗျာ့ပန်းကုံး” ကဗျာကလေးလို့ ထင်ပါရဲ့။
ဖြစ်နိုင်တာပဲလေ။
စိတ်ဦးလှည့်ရာ နွေကဗျာတွေ တွေးမိနေဆဲမှာပဲ အနောက်နိုင်ငံမှာ နွေနှောင်းစရှုခင်းကို မြင်နေရပြီ။ မကြာခင် ဆောင်းလာတော့မယ်။ ရွက်ကြွေရာသီလာဖို့ အရိပ်အရောင် ပြနေပြီလေ။ ပင်လုံးကျွတ်
ဝါ၀င်းအိစက်နေတဲ့ အရွက်တွေ။ လှပါဘိခြင်း။ စာဖွဲ့လို့တောင် ခံစားမှုကြွင်းရစ်နိုင်သေးငဲ့။
တချို့က နီမြန်းနေ။ အစိမ်ရောင်ကြားက အနီရောင်။ အနုအရင့် အဆင့်ဆင့်။ ဘယ်လို တင့်မောမှန်းမသိ။ လွင့်မျောစရာ။
လှအားပါရဲ့။ နွေနှောင်းပန်းချီ။
အနီရောင်။ အနီရောင်ဆိုရင်တော့ ကျနော်တို့သမိုင်းစဉ်မှာ “တော်လှန်ရေး” ကို သတိရသည်ချည်း။ အနီထဲက ကြယ်ဖြူပွင့်။
ကိုယ့်သမိုင်းနဲ့ကိုယ်ပေါ့။ ဖက်ဆစ်တွေကိုတော်လှန်ခဲ့တဲ့ မတ်လ။ မတ်လဆိုတာ မြန်မာနိုင်ငံအဖို့ အဟောင်းခြွေတဲ့ တပေါင်းနွေ။
“ဒဂုန်တာရာ” က …
“အို … ရုတ်တရက်
မျဉ်းဖြူစက်၍၊ ကွဲအက်ကြောင်းရာ
ဟ … ဟ … လာပြီး
မိုးပြာကိုဖြတ်၊ ပတ္တမြားရည်
စီးလည်အဟုန်၊ နီမြန်းကုန်သည်” … တဲ့။
ပတ္တမြားရည်တွေ မိုးကောင်းကင်အက်ကြောင်းကြီးက စီးကျလာတယ်။
အဲဒါလဲ နွေဖွဲ့တခုပါပဲ။
သွေးနဲ့ရေးတဲ့နွေဖွဲ့ကဗျာ။
လှနိုင်ရန်ကောလေ။ ။
တင်မိုး
၂၅၊ ၉၊ ၂၀၀၀
ခေတ်ပြိုင်ဂျာနယ် အတွဲ (၈၉)၊ အောက်တိုဘာ ၂၀၀၀
ဘ၀ထဲက ရတနာ၊ ရင်ထဲက ကဗျာ (၃)
လှိုင်းတွေ ၀ုန်းခနဲ၊ ၀ုန်းခနဲ။
လှိုင်းမြောက်တော့ အရိုင်းတွေ ခုန်ပေါက်သလိုလို။
အရိုင်းတွေမဟုတ်ပါ။ လူထုလှုပ်ရှားမှု ဒီရေလှိုင်းကြီးပါ။ ခွပ်ဒေါင်းအလံက ရှေ့ဆုံးက။
ကျောင်းသားတွေ၊ ရဟန်းသံဃာတွေ၊ ၀န်ထမ်းတွေ၊ လုပ်သားပြည်သူတွေ၊ ရှေ့နေ ရှေ့ရပ်တွေ၊ စာရေးဆရာ၊ ကဗျာဆရာ၊ သတင်းစာဆရာတွေ၊ ရုပ်ရှင်၊ ဂီတ၊ ဇာတ်သဘင်၊ ပန်းချီပန်းပု ပညာရှင်တွေ … အို … ပြည်သူမှန်သမျှ အရွယ်မရွေး၊ လိင်မရွေး။
အို … ပြည်သူ့ရဲတွေ၊ ပြည်သူ့တပ်မတော်သားတွေတောင် ပါလိုက်သေး။ အုန်းအုန်းကျွတ်ကျွတ် တခဲနက်။
ဒီမိုကရေစီရေး၊ လွတ်လပ်ရေး၊ လူ့အခွင့်အရေး … စတဲ့ “တို့အရေး … တို့အရေး” တွေ၊ ကဗျာတွေ စပ်မိပြီ။ လှိုင်းလုံးကြီးရိုက်ခတ်သမျှ ကာရန်အစပ်အဟပ်တွေက တသီတတန်း တထမ်းတမကြီး ပေါ်လာပြီ။ နှုတ်ဆိတ်မနေနိုင်ပြီ။
“တံခါးဖွင့်ပါ”၊ တောင်းဆိုလာကြ ဧရာမလူထုကြီးပါတကား။ လက်မောင်းချင်းချိတ်ကြတယ်။ တံဆိပ်ချင်း ဖလှယ်ကြတယ်။ ရယ်သံတွေ သောသောညံခဲ့တယ်။
၁၉၈၈ ခုနှစ်က အသံများ။
သမိုင်းရဲ့ပုံရိပ်တွေက လူထုကြီးရဲ့မျက်နှာမှာ ထင်ဟပ်နေတယ်။ ပြိုးပြက်လက်လက်တောက်နေတယ်။ မျှော်လင့်ချက်တွေနဲ့ ရွှန်းရွှန်းမြနေတယ်။ အို … ကြည်နှုးလှိုင်းထ ရသသစ်များ။
အုပ်စိုးသူတွေဘက်က အသံတွေလဲ ကြားနေရတယ်။ မြေပေါ်မြေအောက် ဗကပ အဖျက်သမားတွေက သွေးထိုးလို့ အခုလို မင်းမဲ့စရိုက်လှုပ်ရှားမှုတွေ ဖြစ်လာတာ … တဲ့။
လာပြန်ပြီ။ ထစ်ခနဲဆို ဗကပ၊ ထစ်ခနဲဆို ဗကပ၊ ၁၉၆၂ ခုနှစ် ဇူလိုင်လ (၇) ရက် အရေးတော်ပုံတုန်း ကလဲ မြန်မာ့လွတ်လပ်ရေးကြိုးပမ်းမှုသမိုင်းဝင် တကသအဆောက်အအုံကြီးကို ဗကပတို့ရဲ့ သူပုန်ဌာနချုပ်လို့စွပ်စွဲပြီး ဒိုင်းနမိုင်းနဲ့ခွဲခဲ့ပြီး သွေးမခြောက်သေး။
ငါ့ကာရန်တွေ ခုန်ထွက်လာတယ်။
“တခါလာ ဗကပ၊
တခါက ဗကပနဲ့
ဟာသရသတောင် မြောက်ကုန်ပြီ” လို့။
“ဗကပ ကိုလက်ညှိုးထိုး၊
ကိုယ့်ကျိုးကိုအရနှိုက်၊
ဓားပြတိုက်နေသူတွေပါတကား”။
စစ်အုပ်စုရဲ့လုပ်ရပ်ကို ထင်းခနဲ ပြေးမြင်မိတယ်။ လင်းခနဲ သဘောပေါက်မိတယ်။ စစ်မြေပြင်ပေါ်ကနေ ပြည်သူလူထုထံ ကဗျာအသံတွေ လွှင့်မိတယ်။
“စစ်အားမကောင်းရင် ဂျစ်ကားတောင် မောင်းနိုင်မှာမဟုတ်ဘူး” လို့ စစ်အင်အားကိုသာ ပျိုးထောင်နေတဲ့ စစ်အုပ်စုရဲ့ သဘာဝကို ဖွင့်ပြဖို့ ကဗျာရေးမိတယ်။ “ကွန်မြူနစ်ဆန့်ကျင်ရေး လူကြီးမင်းများသို့” လို့ ညွှန်းလိုက်မိတယ်။
“စဉ်းစဉ်းစားစားလဲ လုပ်ကြပါအုံး။ အမှန်ကိုချစ်တာနဲ့ ကွန်မြူနစ်ဖြစ်ရရောလားဗျာ” လို့ အခြေမခိုင်တဲ့ သူတို့ရဲ့ ဆင်ခြေဆင်လက်တွေကို ဖြိုလိုက်မိပါတယ်။
လူထုအားလုံးရဲ့ ဖြူစင်တဲ့နှလုံးက ပေါက်ဖွားလာတဲ့အသံပါ။ ထမင်းရေပူလာ လျှာလွှဲတတ်တဲ့ စစ်အုပ်စုရဲ့ လုပ်ရပ်တွေပါ။ ဒီလိုနည်းနဲ့ ခြောက်စား၊ ဟောက်စားလုပ်လာတာ ကြာပြီမဟုတ်လား။
မြန်မာ့စိတ်ဓာတ်က ခွင့်လွှတ်တတ်တဲ့ စိတ်ဓာတ်၊ အားနာတတ်တဲ့ စိတ်ဓာတ်၊ အလွန်မြင့်မြတ်တဲ့ အမူအရာ၊ ရိုးသားပြီး စေတနာကောင်းတဲ့ အမူအရာ၊ ဒါကို လူတိုင်းသိ။
အဲဒီမြင့်မြတ်မှုကို အခွင့်ကောင်းယူ၊ အပျော့နှိုက်ချင်ကြတာ အံ့ပဲအံ့မိပါရဲ့။ စစ်အာဏာရှင်ကြီးက မြန်မာ့အကြောကိုသိပြီး မိမိရရ အသုံးချခဲ့တယ်။ ရက်စက်ပါပေ့ကွယ်။
ဒါပေမယ့် မြန်မာလူထုဟာ သဘောကောင်းပေမယ့် လူညံ့မဟုတ်။ ထုံပေပေ နုံအအ ဖိုးသုညမဟုတ်။ စစ်သူရဲတွေ ဂုတ်ခွစီးလို့ ဒုက္ခမီးလောင်နေပေမယ့် သည်းခံနိုင်တဲ့အစွမ်းရှိသလောက် သည်းခံခဲ့တယ်။ ဒီနေ့တော့ လွန်လွန်းလာပြီ။ အတိုင်းအတာထက် ကျော်လာပြီ။ ဂိတ်ဆုံးရောက်ပြီ။
ခွပ်ဒေါင်းအလံ မိုးသို့ပျံပြီး ဒီမိုကရေစီတော်လှန်ရေး ဟစ်ကြွေးကြလေပြီ။ ရေကာတာကျိုးသလို
ဝေဒနာဆိုးတွေ သွန်ချခဲ့လေပြီ။
၁၉၈၈ ခုနှစ် သြဂုတ်လ။
သြဂုတ်လရဲ့ မိုးရေစက်တွေထဲမှာ အလံ၊ ရင်ထိုးတံဆိပ်၊ ခေါင်းစည်းနီ၊ လည်စီးနီ၊ လက်ပတ်ပ၀ါတွေနဲ့ မိုးချုန်းသံများ၊ ပေါက်ကွဲသံများ၊ ကြွေးကြော်သံများ …။
“လူ့သမိုင်းမှာ တုနှိုင်းမရ
တက်ကြွမျက်နှာ ညီညာလက်ချိတ်
ရဲဘော်စိတ်တွေနဲ့ …။
ဘုရားသွား ကျောင်းတက်
အေးချမ်းလက်ဖြင့်
ပြုံးမျက်နှာပေး နှလုံးအေးသည့်
မုန်းသွေးမပါ၊ တို့မြန်မာတို့၏
မူရာပြောင်းလဲ၊ အံ့ဖွယ်သူရဲပင်…။
တခဲနက်ဟိန်း၊ မိုးသို့ခြိမ်းလျက်
စိမ်းလန်းတောတောင်၊ မီးကြီးလောင်သို့
သန်းခေါင်ညများ၊ တုန်လှုပ်သွားပြီ
တံခါးဖွင့်ပါ၊ တံခါးဖွင့်ပါ…” တဲ့။
ကဗျာနဲ့ မှတ်တမ်းတင်မိတော့တယ်။ သွေးစက်နဲ့ သွေးကွက်တွေ ထွေးယှက်ကုန်တော့တယ်။
ဟုတ်ကဲ့။ သန်းခေါင်ညများ၊ တုန်လှုပ်သွားပြီ။ တကယ်ပါပဲ။ ပဲ့တင်သံတွေ ဟိန်းဟိန်းညံနေပါပြီ။
အယုတ်အမာပဂေးတို့၊ ဆုတ်ခွာပြေးကြပေတော့ … တဲ့။ မမေ့နိုင်တဲ့ သံစဉ်များပါ။ ။
တင်မိုး
ခေတ်ပြိုင်ဂျာနယ် အတွဲ (၉၀)၊ နိုဝင်ဘာ ၂၀၀၀
________________________________________
ဘ၀ထဲက ရတနာ၊ ရင်ထဲက ကဗျာ (၄)
(၁)
မနှစ်က နော်ဝေနိုင်ငံ အော်စလိုကို ရောက်တယ်။ နှင်းတောင်ပေါ်ကို တက်ခဲ့တယ်။ နေရီရီတောင်မှ ပီပီ မလင်း၊ အလင်းဖြန့်ပေမယ့် နှင်းနံ့ကလေးတသင်းသင်း။
မေဘယ်လ်ပင် အရွက်ကြွေထားလုိ့ ရိုးတံပြိုင်းပြိုင်း၊ ထင်းရူးပင်ပေါ်မှာ နှင်းခဲတွဲလျား၊ လမ်းပေါ်မှာ နှင်းဖွဖွတွေက ကျောက်သားသလင်းရောင်၊ ခြေချော်လဲမှာစိုးရ။
ငါတည်းဟူသောအညာသား၊ နှင်းကြားထဲမှာ အရည်ပျော်ပြီး အော်စလိုက ပျောက်သွားလေမလား၊ စုိုးတထင့်ထင့်။
(၂)
တနေ့သား ဒီမိုကရက်တစ်မြန်မာ့အသံကအပြန်၊ ဖိုးခွားခေါ် စောနယ်လ်ဆင်ကူး၊ ကျော်မိုး၊ မောင်တူးတို့နဲ့ အတူ အော်စလိုဆိုင်တန်းတွေဝင်မိတယ်။ ပါကစ္စတန်ဆိုင်က ခပ်များများ။
ဒီကြားထဲ ထိုင်းဆိုင်တဆိုင်တွေ့တော့ ၀င်တယ်။ ငပိ ငံပြာရည် ရနိုင်သတဲ့။ ဖိုးခွားကဦးဆောင်ပြီး
ဈေးဝယ်ကြတယ်။ အဲဒီထိုင်းဆိုင်မှာ တမာခက်ကလေး။
အို … ငါအံ့သြသွားမိတယ်။ တမာ … တမာ … တို့အညာကလာတဲ့ တမာ။ ဆွေမျိုးရင်းချာ။ ငါမှတ်မိတာပေါ့။ သူကလဲ ဘောင်းဘီဝတ်အညာသားကို ခပ်စိမ်းစိမ်းကြည့် အကဲခတ်လို့။ ၀မ်းသာအားရ။
တမာခက်စိုစိုနဲ့ အညာတက္ကသိုလ်ကို လွမ်းလိုလွမ်း၊ ရွာအ၀င်လမ်းက တမာပင်တန်းကလေးကို သတိရလိုရ၊ ဖရိုက်ဒါလမ်း၊ အိမ်နံပတ် ၁၂ (ခ) ရောက်တော့ အညာတမာခက်ကလေးက ငါတို့နဲ့အတူပါလာပြီ။
ဒီလိုကဗျာလေးတပုဒ်ဖွဲ့မိတယ်။
(၃)
ဖွဲ့မိတဲ့ကဗျာလေးကို ပြရဦးမယ်။ ကဲ … ဒီမှာ။
အညာကျေးလက်က
တမာမွှေးတခက်သို့
အညာက တမာဖူး
နှင်းရည်ကလေး
တစက်နှစ်စက်လူးလို့
ကြည်နူးစရာ
အော်စလိုရောက်လာတယ်။
အော်စလို တရုတ်တန်း
ထိုင်းဈေးခန်းက … တဲ့
မျက်နှာပန်းပွင့်ပွင့်နဲ့
လည်တိုင်ကလေးပင့်လို့
အသိတွေကို မျှော်လင့်နေရှာသတဲ့။
“အညာတမာ၊ ၀ါတာတာ
ရသာခါးခါး၊ ငါမစား” လို့
တအားကုန်အော်ပြီး
ပျော်ခဲ့ရတဲ့သူငယ်တန်းကလေးကို
ငယ်သွေးပေါ်ကာ လွမ်းမိတယ်။
ဦးသိန်းဖေမြင့်ရဲ့
ဘုတလင်အညာလမ်းက
တမာတန်းက
တမာပွင့်ကလေးတွေ သတိရ
စူးရှတဲ့
တမာနံ့ ခါးသင်းသင်းကလေးကို
သွားရင်းပဲ လွမ်းမိတယ်။
ရွာအ၀င်လမ်း တမာတန်းမှာ
ဘဂျမ်းဈေးအရောက်
မြွေလိမ်မြွေကောက် ပြေးတမ်း
စိမ်ပြေးတမ်းကစား
တမာပင်အောက် တထောက်နား
နောက် … ကာလသားဘ၀
နွားမောင်း လှည်းမောင်း
ဆင်ထဲဝ သဲချောင်းအထိ
ပြန်ပြောင်းလွမ်းမိတယ်။
တမာခက်ကလေးရေ …
အညာဘက်မှာ မစားလောက်လို့
ရေမိုးမှန်မှန် မသောက်ရလို့
တောခြောက် ယာခြောက်
မြက်ပါခြောက်လို့
ပြည်ပရောက်လို့ လာရော့သလား။
မင်းနဲ့ငါက
အညာသဲကြားက တရွာထဲသား
ယာထဲမှာ ကြားကြားသမျှ
စကား၀၀ပြောစမ်းပါ။
တို့ရွာမှာ မစားလောက်
နွားပေါက်ကလေးတောင် နို့မ၀
မြို့ကလာတဲ့ ဗိုလ်ကြီးတသိုက်ကို
လှည်းတိုက်လို့မောင်းပေးရ
ချောင်းနံဘေးကျတော့ ထန်းရေသောက်
တရွာလုံးကြောက်နေရသတဲ့လား။
ကျောင်းဆရာ ဆရာတိုးကိုလဲ
ရွာရိုးကိုးပေါက်
အိမ်ပေါက်စေ့လျှောက်ပြီး
မကြောက်တရား
ဟောရကောင်းလားဆိုပြီး
ဖမ်းလားဆီးလား၊ မဟားတရားနဲ့
ကျောင်းတံခါးကိုတောင်
ပိတ်ထားရသယ်ဆို။
ကျောင်းတံခါးပိတ် ခြံတံခါးပိတ်
ဆံမြိတ်တိုကလေးတွေတောင်
အရိပ်ခိုစရာမရှိ။
ရွာလူကြီးတွေက ထင်ရာစိုင်း
ရွာသားတွေကိုတော့
အတွင်သာခိုင်းသတဲ့
သည်အတိုင်းဆိုရွာပျက်ပြီဟဲ့။
ရွာပျက်ရင်ငါရှက်တယ်တော့
တမာခက်ဆိုတာ ရွာရဲ့အသက်ပေါ့
ငါလဲ စိတ်ပျက်လက်ပျက်နဲ့
ရုတ်တရက်မို့
နှုတ်တောင်မဆက်ခဲ့နိုင်ဘူး
ထိုင်းရွာဘက်ထွက်အလာ
ငါ့မျက်နှာကိုမြင်တော့
ခင်ကြမင်ကြခေါ်ကြတာနဲ့
သည်မှာ အခုလိုရောက်လာရဆိုပဲ။
အညာကျေးလက်က
တမာမွှေးခက်ကလေးရေ …
ဘာကမှ သွေးပျက်မနေနဲ့
ငါထွေးဖက်ပြီး နင့်ကို ဂရုစိုက်မယ်
ငါပြန်ရင် နင်လိုက်ခဲ့နော်။
နင်နဲ့ ငါ ရွာအတူပြန်မယ်
ချောင်းယံမှာ
ဒေါင်းလံလွှင့်ကြပါစို့ကွယ်။ ။
တင်မိုး
ခေတ်ပြိုင်ဂျာနယ် အတွဲ (၉၂)၊ ဇန်န၀ါရီ ၂၀၀၁
ဘ၀ထဲက ရတနာ၊ ရင်ထဲက ကဗျာ (၅)
(၁)
ဗမာပြည်မှာ နာရီတွေ ကြောက်ရုပ်နဲ့ နောက်ဆုတ်နေရပြီ။ သူတပါးတိုင်းပြည်မှာ နာရီတွေ ကျော်လွှား ခုန်ပျံကစားပြီး၊ ရှေ့ကဦးဆောင်ပြီး ကျော်လွှားနေကြပြီ။ ဒါကို လူတိုင်းအသိ။ ငါတို့တတွေ ခေတ်နောက် ပြန်သွားလို့ ပြဒါးလင်းဂူနား ပုံတောင်ပုညာနား ရောက်နေပါကလား။ ကျောက်ခေတ်လူသားအဖြစ်နဲ့ ပြတိုက်ထဲ ရောက်နေရတော့မှာပါကလား။
ကိုယ့်တိုင်းပြည်ထဲနေရရင်တော့ ရေတွင်းထဲကဖားသူငယ်၊ ကိုယ့်လူတွေ အပေါ်မှာ လူတွင်ကျယ်လုပ်ပြီး အဟုတ်ကြီး ဟုတ်နေဦးမှာပေါ့။ အခုတော့ ကိုယ့်ပြည်မှာ ကိုယ်မနေအား၊ နိုင်ငံရပ်ခြား တသွားထဲ သွားနေရတဲ့ ပြည်ပြေးသမားမို့ မမြင်ချင် မနေရ၊ မကြားချင် မနေရ၊ ငါတို့ဘ၀နဲ့ သူတို့ဘ၀ အကွာဟကြီး ကွာဟပုံကို မယုံချင် မနေရ လင်ငင်းပဲကြုံနေရတယ်။
ဒီတော့မှ ငါတို့ဘ၀ ငါတို့ပြန်မြင်ပြီး ရှက်ကြောမျှင်တွေ ထဖျင်းဖျင်းထ၊ ကမြင်းမသား လူ့ငကြွားတွေရဲ့ စကားဟာ အညာအ၀ါး တမာလိုခါးမှန်း သတိပြုမိတော့တယ်။ “မျိုးချစ်စိတ်ဓာတ် ရှင်သန်ထက်မြက်ရေး” ဆိုတာ အခြောက်တိုက်ချိုသွေးတဲ့စကားမှန်း သတိပြုမိတော့တယ်။ အို … ရှက်ဖွယ်။
(၂)
ဒီနေ့ ငါတို့ မြန်မာ့လူ့ဘောင်က ကျွန်စုတ်တဲ့ သရက်စေ့လောက်တောင်မပြောင်၊ ကိုယ့်ရပ်ကိုယ့်ဌာနေ ကိုယ့်မွေးမေမို့ ချစ်စေတနာရင်းနဲ့ အချစ်နှောင်ကြိုးတင်းပေမယ့် ဖအေရင်းအနိစ္စရောက်တော့ ပထွေးက ဖနောင့်နဲ့ပေါက်တာခံရသလို အသက်ပျောက်မတတ် မြန်မာနိုင်ငံဟာ တာတေလန်ဘ၀။
ဒီလိုနဲ့ မြန်မာနိုင်ငံရဲ့အဖြစ်တွေနဲ့ ဆွေးပင်လယ်ဝေနေတုန်း ဓာတ်ဆီဓာတ်စံဆိုတဲ့ နာမည်ကျော် လူရွှင်တော်ပြက်လုံးကို ဗြုန်းခနဲ သတိရမိတော့ ပြုံးစစကလေး ဖြစ်သွားမိတယ်။ “ဆရာတော် သခင်၊ နိဗ္ဗာန်နဲ့လွဲပါတဲ့ ကျွဲမလင်ဘုရား” တဲ့။ ကြံကြံစည်စည် အမှတ်ရမိပြီး ကိုယ့်ဘ၀ကို မြင်ယောင်၊ ရုပ်ပြောင်တခုလို ခံစားမိရတယ်။ ငါတို့မြန်မာတွေခမျာ ကြိုးစားလိုက်ရ၊ ကြံစည်လိုက်ရ၊ စွန့်လွှတ်လိုက်ရနဲ့ လောကနိဗ္ဗာန်ရောက်အောင် အမျိုးမျိုးအားထုတ်ခဲ့ရတယ်။ အခုတော့ မသမာသူ လူလက်တဆုပ်ကြောင့် လောကနိဗ္ဗာန်နဲ့လွဲပြီး ကျွဲမလင်ဖြစ်ရချေတကား။
ဒုက္ခထဲက ဒီအပြုံးကလေးကို ကဗျာသီကုံးချင်စိတ် ပေါ်လာမိတယ်။ ဖတ်ကြည့်ပါလေဦး ကဗျာချစ်သူ။
(၃)
ကဗျာက ဒီလိုပါ။
ကျွဲမလင်
အရိပ် “က” နေသလို
စိတ္တဇ အရုပ်တွေပေါ်လာ
ရာသီတွေမှား
နာရီတွေနားနေတဲ့
ဗမာပြည်က ဖြစ်စဉ်များ။
ကိုယ့်အရောင်က မှုန်မှုန်
သူ့ရောင်စုံက တလျှပ်လျှပ်
ကိုယ့်ဓာတ်ပုံတောင် ကိုယ်မမည်
မတည်ငြိမ်လို့ တလှုပ်လှုပ်
ရေပေါ်ရေးတဲ့အရုပ်များ။
မုန်တိုင်းမွှေလို့
နင်းချေခံရတဲ့ မြန်မာ့မြေပုံ
ကိုယ့်ဂုဏ်ရည်တွေ ပျောက်ပြီး
အမှောက်မှောက် အမှားမှား
အချောက်ချောက် အချားချား
မတောက်ကြွားနိုင်တော့ပါတကား။
အိမ်အတွင်းမှာ
သိမ်ဖျင်းယုတ်ညံ့၊ ဂွကလန့်တိုက်
ပွဲလှန့်ပြီး ဗိုလ်လုပ်
အပြင်မှာတော့ အမြီးကုပ်
ကိုယ့်ရုပ်မှမပြရဲ
မဲနယ်အိုးထဲကျတဲ့ခွေးလို
ပွဲမတိုးတဲ့သတ္တ၀ါပေတကား။
ကိုယ့်ဂုဏ် ကိုယ့်အဟန့်နဲ့
ခန့်ခန့်မနေရ
အမြီးတနှန့်နှန့်နဲ့
အလန့်တကြားနေရတဲ့
မြန်မာ့ရုပ်ပုံ၊ ခေတ်ရုပ်စုံကို
ကြိုးစုံဆွဲ၍ ပွဲမပြချင်ဘု
နိဗ္ဗာန်နဲ့လွဲတဲ့ ကျွဲမလင်ပါတကား။ ။
တင်မိုး
၁၁၊ ၉၊ ၂၀၀၀
အဲဒီလို ဆွေးရိပ်ဖုံးရာက ရင်နာနာနဲ့ ပြုံးမိရတဲ့အဖြစ် ကဗျာကလေးခြစ်မိပြန်ပါရော။ ။
တင်မိုး
ခေတ်ပြိုင်ဂျာနယ် အတွဲ (၉၃)၊ ဖေဖော်ဝါရီ ၂၀၀၁
________________________________________
Thursday, February 12, 2009
ဗိုလ်ချုပ်အမှတ်တရ
13/02/09
ဗိုလ်ချုပ်မွေးနေ့အမှတ်တရအဖြစ် လူငယ်များအတွက်ဦးဝင်းတင်ရဲ့ဟောပြောချက်ကို ခောတ်ပြိုင်ဂျာနယ်မှကူးယူ ဖေါ်ပြပေးလိုက်ပါတယ်။
လူငယ်နှင့်အနာဂတ် ဆွေးနွေးပွဲမှ ဦးဝင်းတင်၏ ဟောပြောချက်များ
မြင့်မိုးဇော် / ၁၈ ဒီဇင်ဘာ ၂၀၀၈
(ဒီဇင်ဘာလ၁၆ရက်နေ့လယ်ပိုင်းကရန်ကုန်မြို့အန်အယ်လ်ဒီရုံးချုပ်တွင်လူငယ်နှင့်အနာဂတ်ဆွေးနွေးပွဲတရပ်ကျင်းပခဲ့သည်။ ယင်းဟောပြောပွဲ၌ အဖွဲ့ချုပ် ဗဟိုအလုပ်အမှုဆောင်အဖွဲ့ဝင် ဦးဝင်းတင်က လူငယ်နှင့်အနာဂတ်ဆိုသောခေါင်းစဉ်ဖြင့် ဟောပြောခဲ့သည်။ ဟောပြောပွဲကို နှစ်ပတ်ခြား အင်္ဂါနေ့တိုင်း ဟောပြောမည်ဖြစ်သည်။ အဆိုပါ ဟောပြောပွဲမှ ဦးဝင်းတင်၏ ဟောပြောချက်များကို ကောက်နုတ်ဖော်ပြလိုက်ပါသည်)
အန်အယ်လ်ဒီခေါင်းဆောင်ပိုင်းနှင့် အောက်ခြေအပြန်အလှန်နားလည်ရေး
အမျိုးသားဒီမိုကရေစီအဖွဲ့ချုပ် ဗဟိုအလုပ်အမှုဆောင်များနှင့်တကွ လူငယ်အဖွဲ့ဝင်များခင်ဗျား။ ကျနော်ဟာ ဒီဟောပြောပွဲလုပ်မယ်လို့ စီစဉ်ပြီးကာမှ နေထိုင်မကောင်းတာကတကြောင်း၊ နောက်ပြီးမျက်စိလည်း ခွဲစိတ်မှုလုပ်ရတော့ ဟောပြောမှုနဲ့ပတ်သက်ပြီးတော့ အဆင်မပြေတာလေးတွေရှိပါတယ်။ သို့သော် ဘယ်လိုပဲရှိရှိ မူလရည်ရွယ်ချက်က ဟောပြောတာဆိုတဲ့ ပုံစံမျိုးထက် ကျနော်ဖြစ်စေချင်တဲ့သဘောက ကျနော်တို့တွေ အဖွဲ့ ချုပ်ခေါင်းဆောင်ပိုင်းနဲ့ အောက်ခြေအဖွဲ့အစည်းအဆင့်ဆင့်က ဆောင်ရွက်နေတဲ့ ပုဂ္ဂိုလ်တွေကို အထူးသဖြင့်တော့ လူငယ်တွေနဲ့ပတ်သက်ပြီးတော့ လူငယ်တွေနဲ့အပြန်အလှန် ဆွေးနွေးခြင်း၊ တိုင်ပင်ခြင်း တယောက်သဘောတယောက်စဉ်းစားနိုင်တဲ့သူတွေဖြစ်အောင် လုပ်ချင်တဲ့သဘောပါ။ အဲဒါကြောင့် ကျနော်က ဟောပြောပွဲဆိုတဲ့ ပုံစံထက် ဆွေးနွေးပွဲဆိုတဲ့ပုံစံမျိုး ပိုမကောင်းဘူးလားလို့ လူငယ်တွေကို မေးမြန်းကြည့်ပါတယ်။ အဲဒီလိုမေးမြန်းတဲ့အခါကျတော့ သူတ်ို့ကလည်း သူတို့လုပ်ချင်တဲ့အစီအစဉ်တွေ အများကြီးကို ပြောပြပါတယ်။
အဲတော့ ကျနော်ပြောချင်တဲ့သဘောက ဟောပြောပွဲဆိုတဲ့သဘောမျိုးကို ကျနော်တို့ပညာရှင်တွေက ဟောပြောတဲ့အပိုင်းပေါ့။ဆွေးနွေးပွဲဆိုတာကတော့ကျနော်တို့ကိုယ့်အချင်းချင်းတယောက်နဲ့တယောက် သဘောပေါက်အောင်၊စကားပေါက်အောင်လုပ်ဖို့အရေးကြီးတယ်လို့ထင်တဲ့အတွက်ဆွေးနွေးပွဲပုံစံမျိုးလုပ်ချင်တာပါ။အားလုံးဆွေးနွေးပြီးတဲ့အခါကျတော့ ဟောပြောပွဲပုံစံနဲ့တပိုင်း ဆွေးနွေးပွဲပုံစံနဲ့ကတပိုင်း နှစ်ပိုင်းနဲ့ လုပ်မယ်လို့ ဆုံးဖြတ်ခဲ့ကြပါတယ်။
ဒီကိစ္စနဲ့ပတ်သက်ပြီး လူကြီးတွေကိုလည်း အသက်အရွယ်ကြီးရင့်မှုကတပိုင်း၊ မအားမလပ်ဖြစ်တာကတပိုင်းနဲ့ ရှိနေတာသိပါတယ်။ သို့သော်လည်း အားလပ်တဲ့အချိန်လေးမှာ ပါဝင်ပြီးဆွေးနွေးပေးဖို့ကို ဖိတ်ခေါ်ထားပါတယ်။ ဒီလိုလုပ်ချင်းအားဖြင့် လူကြီးတွေရဲ့အသိအမြင်တွေကို လူငယ်တွေ သိမြင်ခွင့်ရမှာဖြစ်သလို တခါလူငယ်တွေရဲ့ မေးခွန်းတွေကို လေ့လာကြည့်ရင်းနဲ့ လူငယ်တွေ ဘယ်လိုစဉ်းစားနေတယ်၊ ဘယ်ဘက်ကို မျက်နှာမူနေတယ်ဆိုတာကို လူကြီးတွေ သိရှိနိုင်ပါတယ်။
စည်းရုံးသူမရှိဘဲခေါင်းဆောင်၍ မရ
အဲဒီတော့ လူကြီးတွေ သိပ်ပြီးပင်ပင်ပန်းပန်းမဖြစ်အောင် ဟောပြောပွဲဆိုတဲ့ပုံစံမျိုးထက် ဆွေးနွေးပွဲဆိုတဲ့ပုံစံမျိုး လုပ်သွားရင် ပေါ့ပေါ့ပါးပါးလုပ်ချင်ပါတယ်။ ဒါလည်း ကျနော်ဘာပဲပြောပြော ဟောပြောပွဲလို့ပဲ ပြောပြော၊ ဆွေးနွေးပွဲလို့ပဲပြောပြော နိုင်ငံရေးအဖွဲ့အစည်းတခုမှာ လှုပ်ရှားမှုဆိုတာ အရေး ကြီးပါတယ်။ သက်ဝင်နေရမယ်လှုပ်ရှားနေရမယ်။ ဒီလိုမှသာလျှင် ကျနော်တို့ နိုင်ငံရေးလုပ်လို့ရမယ်။ နိုင်ငံရေးအဖွဲ့တခုဟာ လူထုကို စည်းရုံးနိုင်ရမယ်၊ လူထုကိုခေါင်းဆောင်နိုင်ရမယ်။ ခေါင်း ဆောင်တယ်ဆိုတာလည်း စည်းရုံးသူမရှိဘဲ ခေါင်းဆောင်နေလို့ မရဘူး။ ဆိုင်းဘုတ်တင်ထားရုံနဲ့ လည်း ခေါင်းဆောင်လို့ မရဘူး၊ အမြဲတမ်း လှုပ်ရှားနေရမယ်။ အဲဒီတော့ ဒီဟာက ကျနော်တို့ ဆွေးနွေးကြတယ်။ ပြောကြတယ်ဆိုတဲ့ဟာက လှုပ်ရှားမှုတခုပဲဖြစ်ပါတယ်။
အခုဟောပြောပွဲမှာ လူငယ်နဲ့ အနာဂတ်ဆိုတဲ့ခေါင်းစဉ်ကို ပေးထားပါတယ်။ ဘာဖြစ်လို့ ဒီခေါင်းစဉ်ကို ပေးထားတာလဲဆိုတော့ လူငယ်တွေသည်သာ အနာဂတ်ကိုပိုင်ဆိုင်တဲ့ အင်အားစုတွေဖြစ်ပါတယ်ဆိုတာကို
သ်ိမြင်ပြီးတော့မှာ ဒီကိစ္စကိုပြောတာဖြစ်ပါတယ်။ အဲဒီတော့ လူငယ်နဲ့အနာဂတ်ဆိုတာကို ပြောတဲ့အခါမှာ ဘယ်ကနေစပြီး ပြောချင်လည်းဆိုတော့ ကမ္ဘာနဲ့ အနာဂတ်ဆိုတာလေးကို စပြီးပြောချင်ပါတယ်။
ကမ္ဘာကြီးရဲ့အနာဂတ်မှုန်ဝါးနေ
ကမ္ဘာကြီးရဲ့ အနာဂတ်ကို ကျနော် အကျဉ်းပြောရမယ်ဆိုရင် ကမ္ဘာကြီးရဲ့အနာဂတ်ဟာလည်း အတော့ကို စိုးရ်ိမ်စရာအနေအထားရှိနေပါတယ်။ ပြောရမယ်ဆိုရင် ကမ္ဘာကြီးရဲ့လူဦးရေဟာ နောက်လာမယ့် နှစ်တွေအတွင်းမှာ ကမ္ဘာကြီးမှာ သန်းပေါင်း (၉,၀၀၀) လောက်ရှိလာမယ်။ အခုရှိနေတဲ့သန်းပေါင်း (၇,၀၀၀) မှာကိုတောင် ကမ္ဘာကြီးအနေနဲ့က ကျွေးဖို့မွေးဖို့ အတော့ကို ခက်နေတဲ့အခြေအနေ ဖြစ်နေပါတယ်။ ဒီသန်းပေါင်း (၇,၀၀၀)၊ (၈,၀၀၀)၊ (၉,၀၀၀) ဆိုတဲ့ဟာတွေဟာ အရေအတွက်သဘောပဲလို့ ပြောရင်လည်း ပြောလို့ရပါတယ်။ ဘာဖြစ်လို့လဲဆိုတော့ ရှိနေတာကိုး။ (၆,၀၀၀) ကနေ (၇,၀၀၀) ဖြစ်နေတာကိုး။ သို့သော်လည်း ဒီပြဿနာကို ကျနော်တို့စဉ်းစားတဲ့အခါမှာ ကျွေးဖို့မွေးဖို့တင်ပြီးတာမဟုတ်ဘူး။
လူဆိုတာက ထမင်းစားရုံနဲ့လည်းပြီးတာမဟုတ်ဘူး။ လူပေါင်းသန်း (၇,၀၀၀) လောက် ဖြစ်လာတဲ့အခါမှာ ဘယ်လိုလုပ်ရမယ်လို့ စဉ်းစားတဲ့သူတွေ သိပ္ပံပညာရှင်တွေရှိပါတယ်။ သို့သော် လူဆိုတာက လူဖြစ်လာရင် နေဖို့ ထိုင်ဖို့ အိုးအိမ်တွေလိုလာမယ်။ လူတွေနဲ့ပတ်သက်နေတဲ့ကိစ္စတွေကို ထည့်စဉ်းစားရမှာဖြစ်ပါတယ်။ ကောင်းပြီ
ကမ္ဘာကြီးဟာ ဒီလိုလူပေါင်းသန်းပေါင်း (၉,၀၀၀) ဆိုတဲ့အနေအထားကို ရောက်လာရင် သူတို့နေထိုင် အသက်ရှင်ဖို့ တိုးပြီးလုပ်လာကြမယ်။ အဲဒီအခါ သယံဇာတတွေ ရှားပါးလာမယ်။ ဥပမာရေနံဆိုရင် ရှားလို့ပဲဖြစ်ဖြစ်၊ လုပ်ငန်းရှင်ကြီးများက သိုလှောင်လို့ ဖြစ်ဖြစ် လာမယ့်နှစ်ပေါင်း (၁၀၀) တောင်ခံပါ့မလားဆိုတဲ့ ပြဿနာပေါ်လာတယ်။ အခြားခြားသောသယံဇာတများလည်း ဒီလိုပဲ။ ရှားပါးခြင်း၊ ကုန်ခန်းခြင်းဆိုတာတွေ ရှိလာမှာဖြစ်တယ်။
အခုပြောခဲ့သလို ကမ္ဘာကြီးရဲ့အနာဂတ်ကို မှန်းဆချက်တွေနဲ့ သိပံ္ပပညာရှင်တွေရဲ့ တွေ့ရှိချက်တွေဟာ စိတ်ပျက်အားငယ်မှုမရှိဘူးလို့ ဆိုသော်ငြားလည်း ကမ္ဘာကြီးရဲ့ အနာဂတ်ဟာ မှုန်ဝါးလျက်ရှိနေတာကို တွေ့ရမှာဖြစ်တယ်။ ဒါဟာ ကမ္ဘာရဲ့အနာဂတ်ဆိုရင်လည်းမမှားဘူး။ စီးပွားရေးကပ်တွေ လူ့အခွင့်အရေးအခြေအနေတွေကို ခြုံပြီးကြည့်ရင် ကမ္ဘာရဲ့အနာဂတ်ဟာ ပိုပြီးစိုးရိမ်စရာတွေရှိတယ်ဆိုတာကို တွေ့ရမှာဖြစ်ပါတယ်။ ဘာပဲပြောပြော အနာဂတ်ကတော့ ရှိနေမှာဖြစ်ပါတယ်။ ဒါဟာလည်း နောက်ထပ်ဖြစ်ပေါ်လာမယ့်လူငယ်တွေက ဆက်လက်ပြီးရင်ဆိုင်သွားရမယ့် ပြဿနာလည်းဖြစ်နေပါတယ်။
မြန်မာပြည်ရဲ့အနာဂတ်ကို စစ်ယန္တရားကြီးစိုးထားဆဲ
နောက်တခုက ကျနော်တို့ ဗမာပြည်ရဲ့ အနာဂတ်ပါ။ ဗမာပြည်ရဲ့ အနာဂတ်နဲ့ပတ်သက်ပြီး ပြောရမယ်ဆိုရင်တော့ အများကြီးပဲ။ ဒီထဲမှာ ကျနော်တို့ နိုင်ငံရေး၊ စီးပွားရေးတွေကိုတော့ ကျနော်မပြောချင်ပါဘူး။ ကျနော် ပြောချင်တာကတော့ အနာဂတ်အကြောင်းပါပဲ။ ကျနော်တို့ လွန်ခဲ့တဲ့အနှစ်နှစ်ဆယ်က မျှော်မှန်းခဲ့တဲ့ အနာဂတ်ကလည်း စစ်အစိုးရရဲ့ဖိနှိပ်မှုနဲ့ အုပ်ချုပ်မှုနဲ့ ဆိုတာတွေနဲ့ပဲ ရင်ဆိုင်နေရတယ်။
နောက်ထပ်အနှစ်နှစ်ဆယ်ဆိုတာကို မျှော်မှန်းကြည့်တော့လည်း ဒီစစ်တပ်ဆိုတဲ့ စစ်ယန္တရားကြီးကလည်း ဘယ်လိုမှ ပီပီပြင်ပြင်ချောချောမွေ့မွေ့ပြောင်းလဲလာမယ့် အနေအထားဆိုတာ မမြင်ရသေးပါဘူး။ ဒါဟာစိတ်ပျက်ဖို့ ပြောတာမဟုတ်ပါဘူး။ သို့သော် ဘာပဲပြောပြော အရှိတရားက အရှိတရားပါပဲ။ လွန်ခဲ့တဲ့နှစ်ပေါင်းများစွာအတွင်းမှာပဲ ဒီစစ်အာဏာရှင်ကို ဖြေရှင်းဖို့ အများကြီး ကြိုးပမ်းခဲ့ကြတယ်။ ဥပမာဆိုရင် စစ်အာဏာရှင်ယန္တရားကြီးက ဒီမိုကရေစီကို ရော့အင့်ဆိုပြီးတော့ ပေးမှာမဟုတ်ပါဘူး။ သို့သော် အခြားအခြားသော အဆောက်အအုံတွေ၊ စစ်တပ်နဲ့ပတ်သက်တဲ့အဖွဲ့အစည်းတွေ၊ စစ်တပ်နဲ့ဆိုင်တဲ့လုပ်ငန်းတွေ အခြားခြားသော စီးပွားရေးလုပ်ငန်းကြီးများကလည်း စစ်တပ်ရဲ့ အုပ်ချုပ်မှုကို ခံနေရတဲ့အခြေအနေမျိုးမှာ ကျနော်တို့ဟာ ချက်ချင်းပြောင်းလဲဖို့ဆိုတာ မဖြစ်နိုင်ပါဘူး။ မြန်မာပြည်မှာ ဒီမိုကရေစီ အစိုးရပြောင်းလဲဖို့ဆိုတာ စစ်တပ်ရဲ့ ဖိနှိပ်မှုတွေ၊ ချုပ်ချယ်မှုတွေကို လူတိုင်းသိပါတယ်။ မြန်မာပြည်ရဲ့ အနာဂတ်ဟာလည်း ကျနော် စောစောကပြောသလုိ ကမ္ဘာကြီးရဲ့ အနာဂတ်လိုပဲ စစ်အာဏာရှင်စနစ်ရဲ့ အရိပ်မည်းကြီးလွှမ်းမိုးနေတာကို တွေ့ရမှာ ဖြစ်ပါတယ်။
ဗမာပြည်ရဲ့အနာဂတ်ဆိုတာ ဗမာပြည်တွင်းမှာ နေထိုင်ကြတဲ့လူငယ်တွေ ကြုံတွေ့ရမယ့် အနာဂတ်ဖြစ်နေပါတယ်။ အဲဒါတွေကို ညှိနှိုင်းဖို့လိုပါတယ်။ ဆွေးနွေးဖို့လိုပါတယ်။ ဒီနေ့ မနက်ဖြန်ဆိုသလို ဒီမိုကရေစီဟာ ဘွားခနဲ ပေါ်လာမှာမဟုတ်ပါဘူး။ ဒါကိုခင်ဗျားတို့လည်း သိမှာပါပဲ။ တွေးမိကြမယ်ထင်ပါတယ်။
အန်အယ်လ်ဒီရဲ့ အနာဂတ်လည်းမှုန်ဝါးနေ
ဆက်ပြီး အဖွဲ့ချုပ်လူငယ်တွေကို အန်အယ်လ်ဒီရဲ့ အနာဂတ်ကို နည်းနည်း ပြောချင်ပါတယ်။ ပြောချင်တယ်ဆိုပေမယ့် ပြောစရာလည်း များများစားစားမရှိပါဘူး။ ဘာဖြစ်လို့လဲဆိုတော့ အန်အယ်လ်ဒီနဲ့ ကင်းကွာနေတာကလည်း ကြာပြီဆိုတော့ ဘာတွေဖြစ်နေတယ်ဆိုတာကို တိတိကျကျတော့ မသိဘူး။
ကျနော်မှန်းလို့ရသလောက်ကတော့ ကမ္ဘာရဲ့ အနာဂတ်လို၊ မြန်မာရဲ့အနာဂတ်လို၊ အန်အယ်လ်ဒီရဲ့ အနာဂတ်ကလည်း အတော်ကိုမှုန်ဝါးလျက်ရှိတယ်ဆိုတာကိုတော့ ပြောချင်ပါတယ်။ ဒါဟာ စိတ်ပျက်ခြင်း၊ အဆိုးမြင်ခြင်း စတဲ့အမြင်တွေအပေါ်မှာ အခြေမခံပါဘူး။
ကျနော်တို့အထဲမှာ အသက်(၁၀၀) ကျော်နေနိုင်တဲ့သူတွေ ရှိနိုင်ပါတယ်။ ရှိဦးတော့လည်း သူတို့ရဲ့ ဦးဆောင်နိုင်မှုဆိုတာ အများကြီးလျော့လာမှာဖြစ်ပါတယ်။ သို့သော် ဖိနှိပ်ချုပ်ချယ်မှုတွေကြောင့်လည်း သူတို့ဆီမှာ ဆက်လက်ပြီးတော့ ရှင်သန်နိုင်စွမ်း နည်းတယ်လို့ ဒီနေ့တက်ရောက်လာတဲ့ လူငယ်များ စဉ်းစားမိကြမှာပဲ။ နိုင်ငံရေးဆိုတာကလည်း ကြွေတလှည့်ကြက်တခုန်ဆိုတဲ့ သဘောလည်း ရှိတာပေါ့ဗျာ။ ဒီမှာ အန်အယ်လ်ဒီရဲ့ အနေအထားကိုကြည့်မယ်ဆိုရင် အားလုံးသိကြတဲ့အတိုင်းပဲ၊ ရှေ့နှစ်အနည်းငယ်ဆိုရင် ပြဿနာတွေအများကြီးနဲ့ ရင်ဆိုင်ရတော့မယ်။
အဲဒီလိုပြဿနာတွေထဲမှာ အခြေခံဥပဒေနဲ့ပတ်သက်တဲ့ သဘောထားတွေ၊ သုံးသပ်စရာရှိတာတွေ ဒါတွေကို ဘယ်လိုဖြေရှင်းမလဲဆိုတာတွေ၊ ဘယ်လိုအဖြေပေါ်မလဲဆိုတာတွေကို စဉ်းစားကြရတော့မှာ ဖြစ်တယ်။ တခါ အဲဒီအခြေခံဥပဒေကနေပေါက်ဖွားလာမယ့် ပါတီအဖွဲ့အစည်း မှတ်ပုံတင်ဖို့ ကိစ္စတွေ ဒါကတော့ ထားလိုက်ပါတော့။ ဒါဟာလည်း အခြေခံဥပဒေဆိုင်ရာကိစ္စတွေကို အဆင့်ဆင့်ဆောင်ရွက် မှုပေါ်မှာ ဆက်ပြီးဆောင်ရွက်ရမယ့်ကိစ္စတွေ ဖြစ်ပါတယ်။ ဒါပေမယ့် ချန်ထားလို့ မရတဲ့ကိစ္စက ဘယ်လိုပဲပြောပြော ပါတီတွေ မှတ်ပုံတင်ခြင်းကိစ္စပဲဖြစ်ပါတယ်။
အဲဒီတော့ အန်အယ်လ်ဒီရဲ့ အနေအထားကလည်း အနည်းနဲ့အများ ပြဿနာတော့ မသေးဘူးလို့။ ဒါဟာလည်း အခြေခံဥပဒေနဲ့ တွဲရက်ပါလာတဲ့ ပါတီတွေ တရားဝင်ရပ်တည်ပိုင်ခွင့်နဲ့လည်း ဆိုင်နေတယ်။ ဘယ်လိုပဲပြောပြော အန်အယ်လ်ဒီရဲ့ အနေအထားဟာလည်း ပြဿနာတွေ အများကြီးနဲ့ ရင်ဆိုင်ဖို့ ရှိပါတယ်။ သို့သော် ဘယ်လိုပဲဖြစ်ဖြစ် တကယ်လို့ နိုင်ငံရေးပြဿနာတွေကို ဖြေရှင်းလိုက်လို့ ကျနော်တို့ ပါတီက နိုင်ငံတော်ရဲ့ နိုင်ငံရေးရာလှုပ်ရှားမှုတွေဟာ အကောင်အထည် ပေါ်လာမယ်၊ ပါဝင်ပြီးတော့ သက်ဝင်လှုပ်ရှားလာမယ်ဆိုရင်တောင်မှ ပြဿနာတွေ အများကြီးပဲလို့ ထင်ပါတယ်။
တိုင်းပြည်ပြဿနာတွေ ကျန်သေး
အဲဒီပြဿနာတွေဟာလည်း လူငယ်တွေ ရင်ဆိုင်သွားရမယ့် ပြဿနာတွေဖြစ်နေတယ်။ အန်အယ်လ်ဒီ ရဲ့ ပြဿနာလို့လည်း ပြောလို့မရပါဘူး။ ဒါဟာ အမျိုးသားရေးပြဿနာလည်းဖြစ်တယ်။ တချိန်မှာ ရှိနေတဲ့ပြဿနာတွေကို အန်အယ်လ်ဒီမှာ ပါဝင်နေတဲ့လူငယ်တွေက ကိုင်တွယ်ဖြေရှင်းသွားရမှာ ဖြစ်ပါတယ်။ အန်အယ်လ်ဒီအနေနဲ့ အကြောင်းကြောင်းကြောင့် နိုင်ငံရေးပြဿနာတွေကို ဖြေရှင်းလို့ ပြေလည်သွားရင်တောင် တိုင်းပြည်အတွက် ပြဿနာတွေက ရှိနေသေးတယ်။ တိုင်းပြည်အတွက် ဆိုတာက ကျနော်စောစောကပြောသွားသလို စီးပွားရေး၊ ပညာရေး၊ လူမှုရေး၊ နိုင်ငံရေးပြဿနာ တွေဟာ အများကြီးဖြေရှင်းစရာတွေ ရှိနေသေးတယ်။ ဒါတွေကိုလည်း လူငယ်တွေဟာ မလွှဲမသွေ ရင်ဆိုင်ကြရမှာ ဖြစ်ပါတယ်။ အဲဒီတော့ ဒီကိစ္စဟာ ခေါင်းထဲမှာထည့်ပြီးတော့ စဉ်းစားကြရမယ့်ကိစ္စ ဖြစ်တယ်ဆိုတာကို ပြောချင်ပါတယ်။
မှုန်ဝါးတဲ့အနာဂတ်ကို ဖြေရှင်းဖို့တာဝန်ရှိ
အခု ကျနော်ပြောခဲ့တဲ့အချက်တွေကို အခြေခံစဉ်းစားရင် လူငယ်တွေရဲ့ အနာဂတ်ဟာ ပြောစရာများများစားစား မကျန်တော့ပါဘူး။ လူငယ်တွေဟာ ကမ္ဘာရဲ့ အနာဂတ်ဖြစ်သလို တိုင်းပြည်ရဲ့ အနာဂတ်ကိုလည်း လူငယ်တွေပဲ ကိုင်တွယ်ရမှာဖြစ်သလို၊ အန်အယ်လ်ဒီရဲ့ အနာဂတ်ကိုလည်း လူငယ်တွေကပဲ ကိုင်တွယ်ကြရမှာ ဖြစ်ပါတယ်။
ချုပ်လိုက်ရင် မှုန်ဝါးသောကမ္ဘာရဲ့ အနာဂတ်၊ မှုန်ဝါးသောတိုင်းပြည်ရဲ့ အနာဂတ်၊ မှုန်ဝါးသော အန် အယ်လ်ဒီရဲ့အနာဂတ် အဲဒါတွေကို လူငယ်တွေသာလျှင် ဖြေရှင်းကြရမှာဖြစ်ပါတယ်။ အန်အယ်လ်ဒီ လူငယ်တွေဟာ အခြားသာမန်လူငယ်တွေထက်စာရင် ဒီမိုကရေစီရေးမှာ အတွေ့အကြုံလည်းရှိတယ်၊ အစဉ်အလာလည်းရှိတယ်။ အဲဒီတော့ ဒီအစဉ်အလာတွေကို ကိုင်တွယ်ပြီး ဒီအစဉ်အလာတွေအတိုင်း ရပ်တည်ပြီး ပြဿနာတွေကို ဖြေရှင်းသွားရမှာလည်း ဖြစ်တယ်လို့ ယူဆပါတယ်။
အဖွဲ့အစည်း လောင်းရိပ်
ဒါဘာဖြစ်လို့ ကျနော် ပြောရသလဲဆိုရင် လူငယ်တွေကိစ္စကို စဉ်းစားတဲ့အခါမှာ အဖွဲ့ အစည်းအတွင်း မှာ ရှိတဲ့လူငယ်တွေဟာ အဖွဲ့အစည်းရဲ့ လောင်းရိပ်ဟာ တခါတလေမှာသွားပြီးတော့ ထိုးနေတာတွေ ရှိတတ်ပါတယ်။ အဲဒီတော့ အဖွဲ့အစည်းတွေကလည်း သတိထားရမှာက လူငယ်အဖွဲ့အစည်းဆိုတာ ခိုင်းတာလုပ်ဖို့ နို့မို့ရင်လည်း အင်အားပြဖို့လောက်ပဲ သဘောထားလုို့ မရပါဘူး။ ဒီလူငယ်အဖွဲ့အစည်းဆိုတာ အဖွဲ့အစည်းတခုလုံးရဲ့ ခေါင်းဆောင်မှု အစိတ်အပိုင်းတခုဖြစ်နေ တယ်လို့ သဘောထားရမယ်။ ဒီလိုမှသာလျှင် လူငယ်တွေအနေနဲ့ ခေါင်းဆောင်တွေကို ပျိုးထောင် ပေးခြင်း၊ ခေါင်းဆောင်ကောင်းဖြစ်ဖို့ မြှင့်တင်တာဝန်ပေးခြင်း၊ ခေါင်းဆောင်အဆင့်ဆင့်စွဲတင်မြှင့် တင်ခြင်းဆိုတဲ့ စီမံမှုအဆင့်ဆင့်ကို ဆောင်ရွက်မှုပုံစံပေါ်မှာ ဖြစ်ပါတယ်။ အဲဒီတော့ အဖွဲ့အစည်းတိုင်း အဖွဲ့အစည်းတိုင်းအနေနဲ့ စောစောကပြောခဲ့သလို လောင်းရိပ်မိတတ်တဲ့ သဘောတရား ရှိတတ်သော်ငြားလည်း အဖွဲ့အစည်းမှာ မှန်ကန်တဲ့သဘောထားရှိရင် ဒီလူငယ်တွေဟာ ဘယ်တော့မှ သေးသိမ်သွားမှာ မဟုတ်ပါဘူး။ ဒါလည်းပဲ သဘောပေါက်ထားရမယ့် အချက်တချက်ဖြစ်ပါတယ်။
စည်းကမ်းရှိတဲ့ ဒီမိုကရေစီမဟုတ်
လူငယ်အဖွဲ့ဖွဲ့စည်းဖို့စဉ်းစားတဲ့အခါမှာ ရဲရင့်ခြင်း၊ ဇွဲရှိရမယ်။ ဇွဲဆိုတာကလည်း အားလုံးသိကြတဲ့ အတိုင်းပဲ စွဲစွဲမြဲမြဲလုပ်တယ်။ အားသွန်ခွန်စိုက်လုပ်တယ်ဆိုတဲ့ ဇွဲမျိုး၊ မာန်ဆိုတာလည်း ရှိရမယ်။ အရေးအကြီးဆုံးအချက်ကတော့ စည်းကမ်းရှိခြင်းပဲ။ ဒေါ်စုရဲ့ကောင်းသော အရည်အချင်းတွေထဲမှာ စည်းကမ်းလည်း ပါဝင်ပါတယ်။ ဒေါ်စုဟာ စည်းကမ်းကို တန်ဖိုးထားတယ်၊ သူများကိုလည်း စည်းကမ်းရှိစေချင်တယ်။ အဲဒီတော့ ကျနော်တို့ဟာ ဒီအချိန်မှာ စည်းကမ်းအကြောင်းကို ဒေါ်စုကို တည်ပြီး ပြောရတာလည်း မကောင်းဘူး၊ တော်ကြာ ဒေါ်စုပါ စည်းကမ်းရှိသော ဒီမိုကရေစီထဲပါ သွားမှာလည်း စိုးရတာကိုး။
လူငယ်တွေကို ကျနော်ပြောချင်တာက စည်းကမ်းနဲ့ပတ်သက်လို့တော့ အလေးထားပါ။ ဒေါ်စုမှာ စောစောကပြောတဲ့ ရဲရင့်ခြင်း၊ ဇွဲကောင်းခြင်း၊ ဥာဏ်ပညာမြင့်မားခြင်း စတဲ့အချက်တွေအပြင် စည်းကမ်းရှိခြင်းဆိုတာက အရေးအကြီးဆုံးတခုလိုဖြစ်နေတယ်။ ဒါတွေကို အမြဲတမ်း စံနမူနာယူပါ။ ဒေါ်စုရဲ့ ကောင်းခြင်းတွေကို လေ့လာပါ။ ဒါဟာလည်း လူငယ်တွေ အနာဂတ်ကို ရင်ဆိုင်တဲ့အခါမှာ ဒါတွေဟာ အကောင်းဆုံး စံပြုရမယ့်အရာတွေလည်း ဖြစ်ပါတယ်။
အနာဂတ်ကို ဖောက်ထွက်ကြပါ
အနာဂတ်ကို ဦးဆောင်မယ့်လူငယ်တွေအနေနဲ့ တခါတလေ တွေးတဲ့ခေါ်တဲ့နေရာမှာ ထွက်ပေါက်ဆိုတဲ့ စကားကိုပြောကြတယ်။ ကျနော်တို့ ထွက်ပေါက်ဘယ်မှာလဲ၊ ထွက်ပေါက်ကို ဘယ်လိုလုပ်မလဲ စသည်ဖြင့် ထွက်ပေါက်ကိစ္စတွေကို ခဏခဏကြားလာရတယ်။ ဒီတော့ အနာဂတ်ကိုရင်ဆိုင်တဲ့အခါ ခုနကပြောသလို လူငယ်တွေရင်ဆိုင်ရမယ့် အနာဂတ်အလွန်ကို ခက်ခဲနက်နဲတဲ့ အနေအထားမှာ ရှိနေတယ်။ အဲဒီလိုထွက်ပေါက်ထက် ပိုပြီးအရေးကြီးတာက ဖောက်ထွက်ဖို့ပဲဖြစ်ပါတယ်။ ဖောက်ထွက်ဖို့ကို စဉ်းစားကြပါ။ ဖောက်ကိုထွက်ရမယ့်အနာဂတ်လို့ ကျနော်မြင်တယ်။ အဲဒီတော့ အမြဲတမ်းထွက်ပေါက်ကိုချည်း စဉ်းစားမနေဘဲ ဖောက်ထွက်ဖို့ စဉ်းစားစေချင်ပါတယ်။ ဒါဟာ ပိုပြီးအရေးကြီးပါတယ်လို့ ပြောရင်း နိဂုံးချုပ်ပါတယ်။
ဗိုလ်ချုပ်အောင်ဆန်းကို ပစ်ပယ်နေလို့ မြန်မာ့သမိုင်း ထိခိုက်
13/02/2009
ဒီကနေ့ ဖေဖော်ဝါရီလ ၁၃ ရက်နေ့ဟာ မြန်မာ့လွတ်လပ်ရေးဖခင်ကြီး ဗိုလ်ချုပ်အောင်ဆန်းရဲ့မွေးနေ့
ဖစ်ပါတယ်။ ဒီနေ့ကို မြန်မာနိုင်ငံရဲ့ ကလေးများနေ့အဖြစ် သတ်မှတ်ပြီး အထိမ်းအမှတ်ပွဲတွေကို မြန်မာ
နိုင်ငံတ၀န်းမှာ မြိုင်မြိုင်ဆိုင်ဆိုင် ကျင်းပလေ့ရှိခဲ့ပေမယ့် စစ်အစိုးရတက်လာပြီးတဲ့နောက်ပိုင်း ဗိုလ်ချုပ်ရဲ့
မွေးနေ့ဆိုင်ရာ အခမ်းအနားတွေ တဖြည်းဖြည်းမှေးမှိန် ကွယ်ပျောက်လာခဲ့ရပါတယ်။ အခုလို
အရေးပါတဲ့ နိုင်ငံခေါင်းဆောင်တယောက်ရဲ့ မွေးနေ့နဲ့သူ့ရဲ့အခန်းကဏ္ဍကို မှေးမှိန်အောင်လုပ်ထားတဲ့
အတွက် သမိုင်းကို ဘယ်လောက်ထိခိုက်စေပါသလဲ၊
အကြောင်းစုံကို မစုမြတ်မွန်က သုံးသပ်တင်ပြထား
ပါတယ်။
မန်မာ့တပ်မတော်ရဲ့ဖခင်ကြီး ဖြစ်ရုံမက မြန်မာ့လွတ်လပ်ရေး ဖခင်ကြီးဖြစ်တဲ့ ဗိုလ်ချုပ်
အောင်ဆန်းရဲ့မွေးနေ့ကို အမှတ်တရပွဲတွေ မြန်မာနိုင်ငံမှာ တရားဝင်မကျင်းပတော့တာ
တော်တော်ကြာခဲ့ပါပြီ။ အရင်ကဆိုရင် ကလေးများနေ့အဖြစ် သတ်မှတ်ထားတဲ့
ဗိုလ်ချုပ်မွေးနေ့မှာ ကဗျာရွတ်ပြိုင်ပွဲတွေ၊ စာစီစာကုံးပြိုင်ပွဲတွေကို ကျောင်းတွေ၊
ရပ်ကွက်တွေမှာ ကျင်းပခဲ့ကြတာပါ။ အခုတော့ အဲဒီလို ပြိုင်ပွဲတွေလုပ်ဖို့ဝေးလို့
ဗိုလ်ချုပ်အောင်ဆန်းရဲ့ ဂုဏ်ပုဒ်တွေကိုတောင် တရားဝင်ထုတ်ဖော်ပြောတာ ရှားသွား
ပါပြီ။
ဒီတော့ နောင်လာနောက်သားတွေအနေနဲ့ ကိုယ့်နိုင်ငံ လွတ်လပ်ရေးရအောင်
လုပ်ပေးခဲ့တဲ့ ခေါင်းဆောင်တယောက်ရဲ့ အကြောင်းတွေကို သိဖို့ ဘယ်လောက်
အရေးကြီးပါသလဲ။ မြန်မာနိုင်ငံမှာ သမိုင်းကထိက လုပ်ခဲ့ဖူးပြီး အခုတော့ အမေရိကန်
ပြည်ထောင်စု အီလီနွိုင်းပြည်နယ် ဂျတ်ဒ်ဆင် (Judson) တက္ကသိုလ်မှာ သမိုင်း
ပါမောက္ခလုပ်နေတဲ့ ဒေါက်တာ နော်အိန်ဂျလင်းက ဘာကြောင့်အရေးကြီးတယ်ဆိုတာ
ခုလိုပြောပြပါတယ်။
“ဗိုလ်ချုပ်အောင်ဆန်း အကြောင်းကိုတော့ တိုင်းပြည်က သိသင့်တယ်၊ ကလေးတွေ
လည်း သိသင့်တယ်၊ ပညာတတ်တွေလည်း သိသင့်တယ်။ ကိုယ့်ရဲ့သမိုင်းအမွေအနှစ်ကို
ကိုယ်က ထုတ်ဖော်ပြီးတော့ သိမှသာ၊ ပြောနိုင်မှသာလျှင် အခြား ကမ္ဘာမှာရှိတဲ့
တိုင်းပြည်တွေကလည်း ကိုယ့်လူမျိုးကို ရိုသေမယ်၊ အသိအမှတ်ပြုမှာပေါ့။ ကိုယ်ကမှ
အသိအမှတ်မပြုရင် အခြားလူတွေကလည်း ကိုယ့်ကို ဘယ်လိုအသိအမှတ်ပြုမလဲ။
ဗိုလ်ချုပ်အောင်ဆန်းတောင်မှ မသိခဲ့လို့ရှိရင် ဒီတိုင်းပြည်က ဘယ်သူထောင်ခဲ့မှန်း
တောင် သူတို့ သိမှာမဟုတ်ဘူး။ ကိုယ့်ရဲ့သမိုင်းအစကိုလည်း သူတို့ မသိဘူးဖြစ်မယ်။
“ဗိုလ်ချုပ်အောင်ဆန်းထူထောင်တဲ့ မြန်မာနိုင်ငံဟာ တကယ်တော့ အရေးကြီးတဲ့ကဏ္ဍ
မှာ ပါခဲ့တယ်။ အဲဒါကြောင့် ကိုယ့်တိုင်းပြည်မှာ ကလေးတွေက ဒါကို သိခဲ့လို့ရှိရင်
နိုင်ငံရဲ့ ရှေ့ရေးအတွက် အလားအလာ ပိုကောင်းနိုင်တယ်၊ ပြီးတော့ ဒီတိုင်းပြည်ကို
လည်း ပိုချစ်ပြီးတော့ ပိုပြီးတော့ တိုးတက်အောင် လုပ်ချင်စိတ်တွေ ရှိလာမယ်ပေါ့။
သူတို့ကို နောက်ကနေ တွန်းအားပေးတဲ့သဘော ဖြစ်နိုင်မယ်။
“ဗိုလ်ချုပ်အောင်ဆန်းအကြောင်းကို မသိရင်တော့ သူတို့အတွက်က ကြည့်စရာ နမူနာ
စံပြလူ မရှိဘူး။ ကျန်တဲ့လူတွေကို လျှောက်ကြည့်ပြီး ပတ်ဝန်းကျင်မှာ ကိုယ့်လူမျိုးထက်
အခြား ကောင်းတဲ့လူမျိုးရဲ့ ခေါင်းဆောင်တွေကိုပဲ အားကိုး အထင်ကြီးပြီး အဲဒီလူမျိုး
တွေကို ပိုအထင်ကြီးသွားမှာလည်း ဖြစ်နိုင်ပါတယ်။ တိုင်းပြည်ကို ချစ်တဲ့စိတ်ကလည်း
လျော့သွားနိုင်တယ်။ ဘာဖြစ်လို့လဲဆိုတော့ ကိုယ့်ရဲ့တိုင်းပြည်မှာ လူတော်လူကောင်း
ရှိတယ်ဆိုတာ သူတို့ မြင်ချင်မှမြင်တော့မယ်။”
ရှစ်လေးလုံး လူထုအုံကြွမှုကြီး ဖြစ်ခဲ့ပြီးနောက်ပိုင်း မြန်မာနိုင်ငံ ဒီမိုကရေစီရရှိရေး
လှုပ်ရှားမှုတွေမှာ ဗိုလ်ချုပ်အောင်ဆန်းရဲ့ သမီးဖြစ်တဲ့ ဒေါ်အောင်ဆန်းစုကြည် ပါဝင်
လာခဲ့ချိန်ကစလို့ ဗိုလ်ချုပ်အောင်ဆန်းရဲ့ အခန်းကဏ္ဍကို တဖြည်းဖြည်းနဲ့ မှေးမှိန်
အောင်လုပ်လာတယ်လို့ သမိုင်းလေ့လာသူတွေက ပြောကြပါတယ်။
သက္ကရာဇ် ၂၀၀၀ နောက်ပိုင်းကစလို့ တက္ကသိုလ်ကျောင်းတွေမှာ ဗိုလ်ချုပ်အောင်ဆန်း
နဲ့ပတ်သက်တဲ့ အကြောင်းတွေကိုလည်း ကျမ်းပြုခွင့် မပေးတော့ပါဘူး။ ဒါဟာ မြန်မာ့
သမိုင်းအတွက် ဘယ်လောက်ထိခိုက် နစ်နာစေပါသလဲ၊ Aung San and the
struggle for Burmese Independence ဆိုတဲ့ စာအုပ်ကိုလည်း ရေးသားထုတ်ဝေခဲ့တဲ့
သမိုင်းပညာရှင် ဒေါက်တာ နော်အိန်ဂျလင်းကတော့ ခုလိုသုံးသပ်ပါတယ်။
“ပညာတတ်အဆင့်တွေမှာပါ လုံးဝမသိရဘူးဆိုကတည်းက ဒီတိုင်းပြည်ကို
တည်ထောင်ခဲ့တဲ့လူရဲ့ သမိုင်းက လုံးဝပျောက်သွားပြီပေါ့။ တိုင်းပြည်တည်ထောင်တဲ့
လူရဲ့ သမိုင်းပျောက်ရင် တိုင်းပြည်ပျောက်တာနဲ့ အတူတူပဲလေ။ ဘာဖြစ်လို့လဲဆိုတော့
ကိုယ့်သမိုင်းကို ကိုယ်ဖျောက်ပစ်တဲ့ဟာက ကိုယ့်ရဲ့ဇာစ်မြစ်က ပျောက်သွားတာပေါ့။
အမွေအနှစ် ပျောက်သွားတဲ့သဘောပါပဲ။ ဗိုလ်ချုပ်အောင်ဆန်း လက်ထက်မှာဆိုရင်
သူက တိုင်းပြည်မှာရှိတဲ့ တိုင်းရင်းသားအားလုံးကို စည်းရုံးနိုင်တဲ့ပုဂ္ဂိုလ်ဖြစ်တယ်။
“အဲလို တိုင်းရင်းသားအားလုံးကို တန်းတူရည်တူ အခွင့်အရေးအတူတူပေးဖို့ စည်းရုံး
နိုင်ခဲ့လို့ လူတွေကလည်း သူ့ကို ယုံကြည်ခဲ့တယ်၊ အားကိုးခဲ့တယ်။ အဲဒီလို ယုံကြည်
အားကိုးခဲ့တဲ့ လူကြီးမျိုးကို တိုင်းပြည်မှာရှိဖို့ အစိုးရအဖွဲ့အစည်းမျိုးနဲ့ အဲဒီလိုလူမျိုးနဲ့
တည်ထောင်နိုင်ဖို့ဆိုတာ တိုင်းပြည်ရဲ့ အရေးကြီးတဲ့ကဏ္ဍဖြစ်တယ်။
“အဲဒါကြောင့် ဗိုလ်ချုပ်အောင်ဆန်းအကြောင်းကို မသိဘဲနဲ့ သမိုင်းကိုလည်း
မသိတော့ဘူး။ ဗမာပြည်ဟာ ဘယ်လောက်အထိ ကမ္ဘာမှာ တန်းတူရှိခဲ့တယ်ဆိုတာ
လည်း မသိဘူးဆိုရင်တော့ ဒီလိုအခြေအနေမျိုး ပြန်ရောက်အောင် လုပ်ချင်စိတ်လည်း
ရှိမှာမဟုတ်တော့ဘူး။ ခေတ်ကမ္ဘာ တိုးတက်နေပေမယ့် မြန်မာပြည်ကတော့ ဆက်ပြီး
တိုးတက်စရာလမ်း မရှိတော့ဘူးပေါ့။”
Aung San and the struggle for Burmese Independence ဆိုတဲ့စာအုပ်ကို
ရေးသားခဲ့ပြီး လက်ရှိ အမေရိကန်ပြည်ထောင်စု အီလီနွိုင်းပြည်နယ် ဂျတ်ဒ်ဆင်
တက္ကသိုလ်မှာ သမိုင်းပါမောက္ခလုပ်နေတဲ့ ဒေါက်တာ နော်အိန်ဂျလင်း ပြောပြသွားတာ
ဖြစ်ပါတယ်။
VOA
